Polonia ekstradon në Gjermani një agjent të dyshuar të Mossadit

Polonia do t'i dorëzojë Gjermanisë një agjent të dyshuar të shërbimit
sekret izraelit jashtë shtetit, Mossad. Vendimi u mor nga një gjykatë në
Varshavë. Burri ishte arrestuar në fillim të qershorit në aeroportin e
Varshavës. Sipas prokurorisë federale gjermane ai dyshohet se ka
siguruar një pasaportë gjermane në skandalin e vrasjes së liderit të
Hamasit Mahmud el Mabhuh në mes të janarit në Dubai.

Autoritetet në Dubai fajësojnë Mossadin për vrasjen e Mabhuhsë. Më shumë
se 20 burra dhe gra bënin pjesë në komandon që kreu vrasjen, shumë prej
tyre kishin hyrë në Dubai me pasaporta të shteteve perëndimore. Deri
tani Izraeli i ka hedhur poshtë të gjitha akuzat./dw/