Ermela-Algenit “Je ‘shënjestra’ ime e radhës”; Algeni “Shënjestrojmë njëri-tjetrin”

Ermela-Algenit “Je ‘shënjestra’ ime e radhës”; Algeni “Shënjestrojmë njëri-tjetrin”
19/02/2011 17:07

Ermela
dhe Algeni dalin në oborr dhe hapin një bisedë e cila zgjat për minuta
të tëra. Ermela thotë se nuk e ka parë asnjëherë që ai të debatojë fort
apo të zihet me një person brenda shtëpisë, deri ditën e djeshme (sepse
midis tyre ka ndodhur një zënkë). Ermela thotë se nuk i ka pëlqyer
veprimi i tij ditën e djeshme, duke ia hedhur jastëkun në fytyrë. “Po
mendoja që ne të dy nuk jemi zënë asnjëherë tamam”, thotë Ermela, ndërsa
Algeni ia kthen “Çfarë kupton ti me të zënë tamam?”. Ajo thotë se i ka
mbetur hatri dhe kjo për të është “e zënme tamam”. Ermela thotë se ai e
ka cënuar me anë të atij veprimi. “Po të shikoja si ‘shënjestrën’ e
radhës”, thotë Ermela. Ajo thotë se është e habitur nga ndjesi që ka
patur, që ta shikojë atë si “shenjëstër”. Algeni thotë se ajo nuk mund
ta shajë duke i përmendur njerëzit e familjes. Ai thotë se është zënë me
Torosin për këtë arsye dhe se këtë ia ka bërë të qartë të gjithëve. “Më
ke hapur një dritë tjetër, do të të shënjestroj pak, por mos e merr
personale”, i thotë Ermela duke qeshur. “Jo, në lojë jemi, ti më
shënjestron dhe unë gjithashtu”, i përgjigjet Algeni.

Ermela i thotë se ai e pranon që është “katunar”, por s’ka pse të
ofendohet kur ajo ia thotë. Algeni shprehet se ajo ia thotë prapa
krahëve dhe kjo gjë nuk i pëlqen. “Kush je ti që të më gjykosh se çfarë
jam?!”, i kundërpërgjigjet Algeni. Ermela replikon duke thënë se në
momentin që ai ofendon dikë, automatikisht duhet të presë që edhe ta
ofendojnë. Algeni shprehet se ai nuk ofendon asnjëherë, por thjesht ka
disa shprehje që i përdor me të gjithë. Më pas shton se ata mund t’i
zgjidhin gjërat me njëri-tjetrin dhe se nuk duhet të përmendin për asnjë
arsye familjarët.

Kështu mbaron biseda mes tyre dhe Ermela hyn në sallon.