Argëtimi dhe situatat gazmore nuk kanë të sosur

Argëtimi dhe situatat gazmore nuk kanë të sosur
14/03/2011 20:59

Banorët, mbarojnë lojërat në oborr dhe hyjnë në sallon për të vazhduar me të tjera.
Loja e parë në ambientet e brendshme të shtëpisë është “Si të propozojmë
më bukur”. Ata ndahen në çifte, ku njëri prej banorëve i propozon
tjetrit. Çifti i parë është Mariel-Alma. “S’ma ke mbush mendjen hiç”, i
thotë Alma pas propozimit, ndërsa Marieli i përgjigjet duke qeshur “E
kam pasur mendjen te e dashura e parë”. Banorët fillojnë të qeshin me
njëri-tjetrin, ndërsa Mirjeta ia kthen “E dashura e parë të ka propozuar
vetë”, duke e pasur fjalën për veten. Çifti i dytë është Ogreni dhe
Neda dhe pas tyre çifti Ergys-Ermela, ku gjatë “propozimit” Ermela
ndërpret momentin duke qeshur. Mirjeta në fund jep vlerësimin, duke
deklaruar se çifti me propozimin më të bukur është çifti Neda-Ogren.

Më vonë, të gjithë banorët shkojnë në pishinë, të cilën e kanë mbushur
me tollumbace. Loja që do të luajnë brenda pishinës është “Të gjejmë
gurët e çmuar”. Mirjeta hedh gurët në pishinë, ndërsa djemtë hyjnë
brenda për t’i gjetur.

Pastaj ata improvizojnë edhe lojëra të tjera brenda pishinës dhe kështu
argëtimi dhe të qeshurat brenda shtëpisë së Big Brother nuk kanë të
sosur.