Lojëra, humor dhe momente gazmore; Mirjeta për Marielin “Djallëzor”

Lojëra, humor dhe momente gazmore; Mirjeta për Marielin “Djallëzor”
14/03/2011 19:49

Banorët vazhdojnë të festojnë ditën e Verës në Shtëpinë e Big Brother, duke luajtur dhe kërcyer nën sfondin e muzikës.

Ata improvizojnë lojëra nga më të ndryshmet dhe garojnë me njëri-tjetrin
duke u ndarë në çifte. Në shtëpi krijohen situata gazmore pafund dhe
banorët argëtohen duke qeshur me njëri-tjetrin.

Në fillim luajnë lojën “Kush e mbaron më shpejt mollën?” ku banorët
ndahen në çifte dhe njëri prej tyre mban kokrrën e mollës në gojë,
ndërsa tjetri e kafshon. Më pas luajnë lojën “Puthja me makarona”, ku
sërish ndahen në çifte me njëri-tjetrin. Vajzat vazhdojnë të jenë të
veshura me veshjet e trye karakteristike që i ka sjellë Vëllai i Madh
dhe kurorat dhe byzylykët me lule, posaçërisht për këtë ditë.

Ata krijojnë lojëra pafund dhe në Shtëpinë e Big Brothër nuk kanë të
mbaruar momentet e humorit dhe të qeshurave. Banorët kënaqen shumë me
njëri-tjetrin.

Duke pritur Almën, banorët fillojnë të bisedojnë me njëri-tjetrin dhe në
bisedë e sipër Mirjeta thotë për Marielin “Sa i djallëzuar që është,
vetëm unë e njoh”. Ogreni i jep të drejtë duke i thënë se ajo e ka në
krevat për të gjithë natën dhe ka mundesi ta njohë më shumë se gjithë të
tjerët. “Çdo sherr që bëj, për këtë e bëj”, shprehet Mirjeta për
Marielin. “Si të ndodh ty me mua, më ndodh edhe mua me ty”, i përgjigjet
Marieli.

Banorët vazhdojnë të luajnë sërish me njëri-tjetrin.