Ish-bosi i “Kambo Marshall”, çështja në Gjykatën e Lartë

Gjykata Kushtetuese vendosi të pranojë kërkesën e Ylli Kambos,
drejtues i njërës prej kompanive piramidale “Kambo Marshall”, që ishte
rrëzuar më herët nga Gjykata e Lartë në kohën kur Kambo ishte në burg.
Ylli Kambo ka fituar lirinë prej një viti, pasi përfundoi
vuajtjen e dënimit me shtatë vjet burgim, ndërkohë që çështja e tij do
të rikthehet në Gjykatën e Lartë, e cila pritet të rishqyrtojë kërkesën e
tij për shuarje dënimi.
Kambo u arrestua në Rumani dhe u ekstradua në Shqipëri në vitin 2003, ku
drejtësia shqiptare e kishte dënuar në mungesë me shtatë vjet burgim
për akuzën mashtrim me fajde.

“Kambo Marshall” ka zhvilluar aktivitetin e saj në Berat përgjatë vitit
1997. Ylli Kambo ishte akuzuar nga Prokuroria për mashtrim në 63 raste
dhe përvetësimin e shumës prej 78 milionë lekë të reja. /Telegrafi/