Lorik Cana transferohet tek Gallatasaraj

Lorik Cana transferohet tek Gallatasaraj
08/07/2010 17:10


Lojtari i kombëtares
kuqezi, Lorik Cana është transferuar papritur nga ekipin anglez i
Sunderland për në Turqi ku ka nënshkruar një kontratë 4 vjecare me
klubin e Gallatasaraj. (UPDATE)


Mesfushori nga Kosova që u largua
vjet nga Marseja me destinacion Sandërlendin, ndryshon sërish skuadër,
duke u bashkuar me verdhekuqtë e Stambollit të cilët drejtohen nga
tekniku holandez, Frenk Rajkard.

Në një deklaratë të publikuar
në faqen zyrtare të Sandërlendit, lojtari shqiptar shprehet se nuk ishte
një vendim i lehtë. Ai thekson se prioriteti i tij është të luajë në
Champions League dhe të ndodhet sa më pranë familjes së tij në Shqipëri.


“Që ditën e parë që erdha unë pata një eksperiencë fantastike
me Sunderland. E dija se do të luaja me një klub që e mbeshteste lojën
time”, thekson Cana. Më tej ai shton se ka dhënë gjithcka për
Sandërlend, klub që do ngelet ne memorien e tij.

“Kam mundësinë
të luaj në evenimentet europian dhe të jem më pranë familjes time. Nuk
ishte një vendim i lehtë dhe shpresoj që njerëzit të më kuptojnë. I
falënderoj të gjithë tek Sandërlend, duke filluar që nga trajneri,
stafi, mjekët, drejtuesit dhe sigurisht fansat. I uroj klubit të ecë sa
më lart”, shton ish mesfushori i PSG dhe Marsejës.

Cana u
aktivizua në 35 ndeshje me Sandërlend dhe u ble për 5 milionë sterlina
vitin e shkuar.