Itali, tifozët serbë djegin flamurin shqiptar

http://www.top-channel.tv/foto/lajme/ultras-serb-flamuri.jpg
Tension në qendër të Xhenoas, ku tifozët serbë dhe policia italiane janë përleshur mes tyre pas lëshimit të shisheve dhe gurëve. Ata janë shpehur kundër pavarësisë së Kosovës dhe gjatë protestave kanë djegur edhe flamurin shqiptar. (UPDATE)
Situata ka degjeneruar rreth orës 19:00 kur tifozët serbë që ndodhen në Itali për të ndjekur kombëtaren e tyre e cila luan këtë mbrëmje kundër Italisë, filluan të qëllojnë me gurë ndaj kalimtarëve dhe dyqaneve.

Trazirat kanë vazhduar edhe me zbritjen e tifozëve në fushë duke mos lejuar fillimin e ndeshjes. Sipas mediave lokale, portieri serb Stojkovic është goditur me mjete të forta nga tifozët e tij. Ndërkohë ndeshja është anuluar edhe pse nuk ka një njoftim zyrtar nga ana e UEFA-s.

Sipas lojtarëve dhe organizatorëve të stadiumit "Marassi", ishte e pamundur që policia të qetësonte tifozët serbë, të cilët kanë shfrytëzuar këtë ndeshje për të kundërshtuar pavarësinë e Kosovës. Kjo protestë mund të shkaktojë edhe ragimin e Tiranës, pasi flamuri i djegur është flamuri jonë kombëtar.




Foto
http://www.top-channel.tv/foto/fototedites/gen_24_672-458_resize.jpg

http://www.top-channel.tv/foto/lajme/serbet-flamurishqip.jpg
Trazirat në ndeshjen mes Italisë dhe Serbisë, që u shoqëruan me ndërprerjen e takimit të vlefshëm për Euro 2012 dhe me djegien e flamurit shqiptar në stadiumin e Xhenoas, sollën takimin mes federatave respektive të futbollit dhe përfaqësuesve të UEFA-s.
Në takimin e mbajtur mes përfaqësuesce të federatës serbe të futbollit, asaj italiane, përfaqësuesve të UEFA-s dhe atyre të sigurisë, pala serbe ka kërkuar zhvillimin e ndeshjes ndërkohë që arbitri i takimit, që ka edhe kompetencën e plotë për zhvillimin apo ndërprerjen e ndeshjes, vendosi që ndeshja të ndërpritej me fitoren 3-0 në tavolinë për Italinë, pasi sipas tij nuk mund të garantohej më siguria e lojtarëve në fushë.

Ndërkohë, tifozët serbë vazhduan trazirat në stadiumin “Marasi” duke kundërshtuar pavarësinë e Kosovës.

Takimi u dedikohej katër ushtarëve italianë të rënë në Afganistan dhe fëmijëve. Të gjitha skenat e dhunës dhe të huliganizmit të shfaqur nga tifozët serbë në Xhenoa u dënuan nga komentatorët italianë të cilët e cilësuan një akt të personave të “çmendur”, si dhe sollën ndërmend trazirat e 2 ditëve më parë në paradën e “Gay Pride” në Beograd.