Marigona, shqiptarja e famshme në Gjermani si këngëtare dhe modele

“Jam
gjysëm shqiptare e Kosovës”, fillon rrëfimin e saj në një intervistë
për “Panorama plus”, këngëtarja dhe modelja e famshme në Gjermani
Marigona Capristo Grace. “Nëna ime është gjysëm itakiddy contestliane
dhe gjysëm gjermane”, thekson ajo duke treguar se edhe pse mban mbiemrin
e nënës ajo ndihet shqiptare. Së bashku me dy vajza tjera ka fituar
vendin e parë në eventin ku vite më parë fitoj edhe Miriam Cani. Ishte
fanse e Miriamit ndërsa tash njihet në gjithë Europën. Për të njohur më
shumë dhe ne shqiptarët, flet për lexuesit tanë Marigona…

Zmadho fotografinë

















Ka formuar grupin "Monrose" që po bën boom në Europë si dhe është zgjedhur “Sexiest Woman in the World FHM Germany”

Blerand Rexhepi

Marigona ti tashmë je një ndër shqiptaret e famshme në Gjermani dhe
mbarë botën, tek ne shumë pak dinë për juve. Na thuaj diçka më shumë
rreth vetes?
Pra unë kam lindur në Gjermani dhe vazhdoj të jetoj këtu. Babi im vjen
nga Kosova nga qyteti i bukur i Pejës. Merem me muzikë dhe modelizëm,
jam 20 vjeçare.

Në moshën 6 vjeçare ke marë çmimin e parë tek “Kiddy Contest”. Na thuaj
çfarë evenimenti është dhe çfarë tjetër fitove nga ky spektakël?
Në “Kiddy Contest” mësuesi im më kishte sugjeruar të mar pjesë në këtë
festival për fëmijë që mbahet në Austri dhe që ndiqet në të gjitha
vendet gjermano-folëse edhe aty u vlerësova me vendin e parë. Pasi mora
vendin e parë kam ralizuar me ta një album për fëmijë që kryesoi pastaj
vendet e para të toplistave. Fitorja në këtë festival për mua ishe edhe
akoma është dita më e lumtur e jetës time.

Jeton dhe vepron në Gjermani, të mungon vendlindja, e viziton ndonjëherë?
Të them të drejtën më mugon shumë por fatkeqësisht afër 4 vite s’kam
qenë aty për shkak të angazhimeve të mia, por këtë vit do ti vizitoj të
gjitha trojet shqiptare duke filluar nga Kosova, Shqipëria, Maqedoni
etj.

Zmadho fotografinë
Marigona



Më vonë kur u berë 16 vjeçe je paraqitur tek “Popstars”, ku së bashku me
dy vajza të tjera keni fituar vendin e parë. Kush janë ato dy koleget
tua të grupit?
Aty mora pjesë nën moshën 16 vjeçare, ku ishin mbi 30 mijë konkurentë
dhe artistë, arrita të shkoj në finale dhe publiku më votoj që unë të
jem në band së bashku me dy shoqet e mia, Senna edhe Bahar. Grupi mban
emrin “Monrose”, ndërsa kënga me të cilën fituam titullohej “Shame”. Siç
e ceka më parë mesuesi im ishte ai që e zbuloj talentim tim dhe më ka
përkrahur deri në maximum. Unë jam një njeri që kur ëndëroj diçka, punoj
deri sa të ralizohet ëndëra ime.


Tashmë keni edituar katër albume me grupin “Monrose”. Si është të punosh me producentë gjerman?
Puna është shumë e lehtë. Pruducenti jonë është Mikkel Remee Sigvardt.
Është shumë i mirë pasi pa ndihmën e tij ne nuk do kishim bërë asgjë
pasi ka shumë “castingsband” që ralizojnë vetëm nga një këngë dhe nuk
ralizojnë më asgjë. Merita më e madhe për sukseset tona i mer menaxherja
jonë Joey dhe producenti. Është pak e vështirë them të drejtën pasi çdo
ditë ushtrojmë dhe punojmë por në fund i’a vlen.

Zmadho fotografinë
Marigona



Kush përkujdeset për klipet që i realizoni atje dhe sa janë të shtrejtë ato?
Për videoklipet tona përkujdeset menaxherja, ajo më së shumti meret me
këto gjera dhe i përzgjedh pruduksionet me të cilët duhet të
bashkëpunojmë, ne vetë i’a tregojmë disa ide tona edhe ajo i përpunon me
ta, ndërsa sa për çmim nuk di shumë sigurtë as unë pasi nuk merem me
këto gjëra.

Është po i njejti eveniment që ka fituar edhe Miriam Cani?
Po është event i njejtë.

Ke takuar ndonjëherë Miriamin?
Po, dhe kam qenë një fanse e madhe e saj, por fatkeqësisht grupi i tyre
nuk egziston më. Ajo tashmë nuk ka shumë angazhime në Gjermani
Po ndonjë producent apo kompozitor shqiptar të ka ofruar bashkpunim?
Kam shumë oferta, por shpresoj që në të ardhmen të punoj me Behxhet Hazirin dhe “Max production”.

Bëra një kërkim dhe pashë që klipet e grupit tënd qenkan shumë të
klikuara, ndërsa në Kosovë dhe në Shqipëri shumë pak të njohin. Si
mendon nuk të duhet afirmimi tek ne apo nuk të është dhënë rasti të
tregosh talentin?
Sa i përket Kosovës dhe Shqipërisë e kam vërejtur situatën si shkon atje
dhe puna në muzikë nuk më ka pëlqyer edhe aq shumë, për këtë shkak kam
qenë pak indiferente...

Zmadho fotografinë
Marigona



Përveç muzikës, ju mereni edhe me modelizëm. Kush ju ndihmon në këtë drejtim?
Unë kam edhe një kontratë me “Lousisa models”, Peyman Amin edhe Günther
Klum, babai i Heidi Klum më ka ndihmuar shumë, por kam dhe shumë oferta,
them që nga 5 në ditë vijnë në adresën time.

Në vitin 2009, ju jeni zgjedhur “Sexiest Woman in the World FHM” –
Germany! Vazhdoni të mbani akoma këtë titull, dhe na thuaj diçka më
shumë rreth këtyre aktiviteteve…
Revista “FHM” e bën çdo vit një përzgjedhje të të gjitha femrave në botë
dhe gjithë kanë drejtë vote pasi është onlinë, ku në vitin 2009 u
shpalla unë “Sexiest Ëoman in the Ëorld”. Ishte një ndjenjë shumë e mirë
pasi besoj se çdo femër ka dëshirë të nderohet kështu. Këtë vit unë jam
përsëri në konkurim me numrin 15.

Zmadho fotografinë
Marigona



Do ishit larguar ndonjëherë nga Gjermani për të vazhduar karierën në vendlindje?
Të them të drejtën nuk dua të largohem nga Gjermania, duke mos lënë anash që në një të ardhme të punoj dhe në Kosovë e Shqipëri.

Momentalisht me çfarë jeni të preokupuar?
Momentalisht kemi disa koncerte këtu në Europë edhe disa projekte të tjera që nuk është e lejueshme të flas për to...

Ku do ti kaloni pushimet verore?
Këtë vit jam për rreth një muaj në Mallorca, më pëlqen shumë ai vend me
bukuritë natyrore, ndihem shumë e lirë aty edhe rehat pasi për momentin
jam duke e ndërtuar një vilë në këtë vend. Ndërsa në gusht shpresoj që
të vizitoj të gjitha vendet shqipfolëse dhe të shiqoj si është atje
jeta.

Zmadho fotografinë
Marigona






Publikuar: 10.07.2010 | 02:32
Lexuar: 964 herë






Komentet
kastriot begaj (21/08/2010 21:40:09) pom
vjen mir si ni qik nga kosova te jet efamshme ne gjermani
nuk di shka me shtu ma shum veq urim eishall behsh mamir ne
bot qau
gjelbrona gashi (27/08/2010 05:26:22) veqqq kush flet nga inatiii se qenkee bukurosheeee. suksese me tutjeee
viktori (30/08/2010 18:38:08) skam qka me fol ma shum veq qka e prishi urime edhe veq vazhdo perpera ferfekt je
gashi (31/08/2010 15:11:02) RRENA KREJT!
kjo e ka emrin Mandy Capristo edhe Mamin e ka German edhe babin prej Italies .