Big Brother, sherr mes Hënes dhe Ermelës

s



Teksa banorët janë duke bërë buxhetin e javës, mes Hënes dhe Ermeles nis një debat fare banal.
Të dy nisin më ironi duke hedhur fjalë që prekin njëri-tjetrin dhe më
pas debati ashpërsohet duke kaluar në ofendime të rënda, me një fjalor
banal dhe duke shkuar deri në kërcënime të drejtpërdrejta.
Ermela i thotë Hënesit se ai nuk ka nivel dhe e quan si “llumi” i
shtëpisë. Kjo shprehje has në kundërpërgjigjen e Hënesit i cili i thotë
se ajo nuk ka se si të krahasojë nivelin e saj me të tijin, pasi ai
qëndron shumë më lart saj.
Ermela i thotë se ai është njeriu më cop-cop në shtëpi dhe Hënes i
thotë se ajo duhet të bëj ndonjë xhiro rreth pishinës dhe të lahet. Pas
këtij momenti, Ermela bën një gjest ofendues kundrejt Hënesit i cili
teksa e sheh i thotë se ajo sapo e tregoi se nuk ka nivel kulturor.
Kështu të dy ofendojnë njëri-tjetrin, por Ermela është më e ashpër dhe
përdor më tepër fjalor rruge, ndërsa Hënes duket më i përmbajtur në
shprehje.
Ata kalojnë edhe në presione ku Ermela i thotë: “mbulle
gojën… kaq po të them” dhe Hënes i thotë “kujdes me shprehjet se do të
mbys në pishinë…”

Në debatin e tyre që zgjat disa minuta me radhë, ndërhyjnë edhe banorë
të tjerë të cilët i thonë Ermelës që të mos e vazhdojë më këtë debat
sepse po ofendon shumë, ndërsa Algeni i thotë me shaka Hënesit “hec mo,
mos hy në gojë të femrës”.
Më pas Ermela largohet dhe kështu përfundon debati i tyre.