Motra e Ogrenit: Neda më ngre nervat kur më mërzit tim vëlla

Do të vijë sot në një in tervistë ekskluzive për
suplementin “ Bluetooth”, motra e një prej banorëve më të përfolur në
shtëpinë e “ Big Brother 4”, Ogrenit. Pamela Balluku, si një avokate e
zonja në profesion, mbron në këtë intervistë të vëllain duke specifikuar
me detaje arsyet pse duhet që ta fitojë ai këtë edicion të “ Big
Brother”…




















Që nga hyrja në këtë reality show, vendim të cilin ajo s’e priti fort
mirë, e deri tek lidhja e krijuar me Nedën, dinamikat dhe polemikat e
krijuara në shtëpinë e madhe, por edhe në të sajën, thashethemet dhe
deklaratat e banorëve që kanë dalë jashtë… I rrëfen të gjitha sot,
Pamela Balluku, motra e vogël që është njëkohësisht edhe shoqja më e
mirë e Ogrenit…

Pamela, së pari ju falenderojmë që e pranuat ftesën për këtë
intervistë… Duke qenë se e dimë që e keni ndjekur me shumë vëmendje
vëllain, po futemi drejt e në temë. Si po ju duket Ogreni aty brenda?

Me gjithë ndryshimet normale që kaloi gjendja e tij shpirtërore këto 55
ditë, Ogreni këto kohë po më duket shumë mirë. Në fillim hyri me grintën
dhe optimizmin maksimal, pastaj kaloi një periudhë pak të vështirë
emocionale dhe tashmë po përjeton një ndjenjë të fortë.

Ka momente që ju mërzit me veprimet e tij?

Momentet e vetme kur më mërzit janë kur ai është i mërzitur dhe izolohet sado pak. Do doja ta ndihmoja, por e di që nuk mundem.

Kështu është Ogreni edhe në jetën reale?

Sigurisht që kështu është, dhe aty brenda nuk ka pësuar asnjë ndryshim. E
vetmja gjë që duket ndryshe janë vetëm emocionet e forta që aty
përjetohen dhe efekti që ato kanë mbi Ogrenin. Në jetën normale ai është
një person shumë i qetë, me karakter e vullnet të fortë.

A ka hyrë brenda me një strategji të paracaktuar loje?

Jo, asnjë strategji. Përfitoj nga rasti këtu për të të zbuluar një
kuriozitet: Pak ditë para se të futej në ‘ BB4’ po diskutonim rreth
kësaj eksperience të re që Ogreni po ndërmerrte dhe unë i bëra të
njëjtën pyetje. Ai shumë prerë m’u përgjigj se nuk kishte ndërmend të
përdorte asnjë strategji dhe se do hynte aty për të jetuar këtë
eksperiencë ditë pas dite pa bërë asnjë plan. Ai më tha: “ Unë nuk di të
shtirem dhe nuk do të kisha aspak sukses në të tilla gjëra, prandaj
zgjedh të mos e vras mendjen për të tilla gjëra.”

Pra, ju po thoni që lidhja e tij me Nedën nuk ishte e paramenduar?

Aspak . Përkundrazi Ogreni nuk e mendonte kurrë që mund të lidhej
sentimentalisht me dikë aty brenda. Nuk besonte që do të kishte kohë
mjaftueshëm për t’u afeksionuar aq shumë me një vajzë sa për ta çuar atë
drejt lidhjes. Siç është shprehur dhe ai vetë gjatë këtyre ditëve, një
vajzë përveç pamjes së jashme duhet të ketë patjetër bukurinë e
brendshme për t’i fituar zemrën Ogrenit dhe kjo zakonisht nuk është e
lehtë.

Si po ju duket relata e tij me Nedën?

Në fillim m’u duk intriguese, më pas shumë konfliktuale dhe tani e lumtur.

Po Neda vetë ç’përshtypje po ju lë?

Neda është një vajzë e zgjuar, e kulturuar dhe me një botë shpirtërore interesante.