Ermela: “Neda është hipokrite, ka frikë të përballet me mua”

Ermela dhe Mirjeta qëndrojnë në sallon duke biseduar e Ermela
shprehet se Neda këtë mëngjes i ka shkuar tek krevati dhe e ka pyetur
se çfarë do t’i bëjë për të ngrënë e Ermela thotë: “Hajhe hipokrizi,
hajde”. Mirjeta çuditet nga kjo gjë dhe shprehet se Neda nuk ka gatuar
kurrë as për vete e jo më për të tjerët.

Ermela shprehet se Neda e habit me guximin që ka për ti folur kështu
dhe shton se nuk do të jetë e mundur që Neda t’ia marrë kalanë nga
brenda duke e marrë me të mirë. Ermela thotë se Neda ka frikë t’i
kthejë përgjigje asaj, pasi nuk është konfrontuar me të as kur ia ka
fshirë shkrimet nga xhamat. Ajo shton se Neda nuk di të bëjë gjë tjetër
përveç se të rrijë me Ogrenin.
Më pas vajzat komentojnë lojën e Ermela shprehet se i ka pëlqyer
shumë loja, pasi nuk duhet marrë personale, por të gjithë duhet të
argëtohen. Ermela thotë se loja që kanë bërë në javët e kaluara me
arbitër, Klodin, nuk ka qenë fare e bukur pasi banorët kanë luajtur me
inat kundër njëri-tjetrit.