Apple lëshon iOS 4

Apple lëshon iOS 4



Apple ka lëshuar versionin më të ri të sistemit operativ iOS 4 për të gjithë poseduesit e iPhone dhe iPod Touch.

Edhe pse iPhone 4 nuk do të jetë në dispozicion në shitoret e Apple të paktën deri të enjten, ata që kanë arritur të “rrëmbejnë” modelin më të ri të iPhone, do të jenë në gjendje të përdorin avantazhet dhe funksionet që  sjell versioni i freskuar i sistemit operativ të Apple.

Azhurnimi me iOS 4 është falas, dhe mund të bëhet për modelet, iPhone 3G dhe iPhone 3GS, si dhe për gjeneratën  e dytë dhe të tretë të iPod Touch. Mirëpo, funksioni Multi-tasking do të punojë vetëm në iPhone 3GS dhe iPod Touch, të gjeneratës së tretë.



Përfundimisht, iOS 4 sjell më shumë se 1500 ndryshime ose shtesa për API, të cilat do tu mundësojnë zhvilluesve të krijojnë aplikacione edhe më të mira, në këto pajisje.

Disa nga funksionet e përmirësuara në këtë version, janë: multi-taskting, organizimi i folderëve, iBooks, video-fokus, zmadhim të kamerës deri në 5 herë, mbështetje për Bluetooth përmes tastierës, shqiptim më të mirë gjatë shkrimit të teksteve dhe shumëçka tjetër. / foto: msbl / Telegrafi