Suedia ka rritje më të shpejtë të popullatës myslimane në BE

Sipas të dhënave nga parashikimet hulumtuese të
publikuara në raportin e institutit "PEV Forum", vlerësohet se numri i
myslimanëve në Evropë do të rritet prej 6 në 8 për qind në periudhën
midis vitit 2010 dhe 2013.












Rritja e numrit të myslimanëve në kuadër të BE-së më së shumti është
shfaqur në Suedi, thuhet në raportin e institutit "PEV Forum" nga
Uashingtoni.

Prej 1,7 për qind të popullatës në vitin 1990, përfaqësimi me përqindje
vitin e kaluar ishte rritur në 4,9 për qind, ndërsa pas dy dekadave
vlerësohet se myslimanët do të jenë rreth 10 për qind e popullatës së
përgjithshme në Suedi.

Sipas të dhënave nga parashikimet hulumtuese të publikuara në raportin
e institutit "PEV Forum", vlerësohet se numri i myslimanëve në Evropë
do të rritet prej 6 në 8 për qind në periudhën midis vitit 2010 dhe
2013.

Arsyeja më e rëndësishme për trendin e këtillë demografik janë migrimet
vijuese drejt Evropës nga rajone si Azia Jugore, Afrika Veriore, Lindja
e Afërt dhe Turqia. Valët migruese më së shumti janë të orientuara
drejt Evropës Veriore dhe Perëndimore. Paraprakisht islami më së shumti
ishte i pranishëm në Evropën Lindore, ku grupet myslimane kanë jetuar
me qindra vite.

Momentalisht pjesa myslimane e popullatës në vendet-anëtare të BE-së
shënon nivel më të lartë në Francë - 7,5 për qind. Në Belgjikë është
6,1 për qind, në Austri 5,7, në Holandë 5,5, në Gjermani 5, në Britani
të Madhe 4,6, në Danimarkë 4,1, në Itali 2,6, në Spanjë 2,3, në
Finlandë 0,8 për qind.

Vëmendje të posaçme në këtë kontekst tërheqin edhe të dhënat më të reja
rreth lëvizjeve demografike në Evropë, prej të cilëve del se gratë
myslimane në vendet evropiane në mesatare lindin nga 2,2 fëmijë, në
krahasim me gratë e tjera të cilat drejt rritjes së natalitetit
kontribuojnë mestaraisht me 1,5 fëmijë. Pritet që dallimet të
zvogëlohen deri në vitin 2030, por fertiliteti do të mbetet në nivel më
të lartë midis myslimanëve, shkruan gazeta suedeze "Geteborg-posten".

Zhvillimi i lëvizjeve migruese i grupeve myslimane në të ardhmen mund
të zhvillohet në drejtime të paparapara, varshmërisht nga klima
politike, gjendjet ekonomike, katastrofat natyrore, konfliktet e
armatosura dhe përparimi mjekësor.

Edhe një e dhënë interesante e cila del nga analizat hulumtuese të "PEV
Forum"-it është se çdo i dyti mysliman në Evropë është në moshën nën
30-vjeçare, ndërsa midis grupeve tjera etnike popullata e re deri në 30
vjeç është një e treta e popullatës së përgjithshme.