7 Prill 1939

Titulli: 7 Prill 1939 20.07.09 6:23

7 Prill 1939 Shkeputur nga "Historia e Shqipnis" e Z. Tajar Zavalani
Faqe 304
nënshkruente nji marrëveshtje me Francën për të rregullue disa çashtje qi pritshin me u zbërthye prej shum kohe. Me kët mënyrë grabitja e Shqipnis do të bahej në nji atmosferë kënaqësije, sidomos në Francë, prej ku mund të vinte kundrështimi ma i fortë. Komendatore Giro, nji gang^ster i fashizmit, u dcrgue në Shqipni për të pregatitë sheshin politik. Në raportet q'i dergoi Cianos, ai u mburr se kishte ndën kontroll elemente të randësishëm të popullit shqiptar, të cilët po ktheheshin «kundër Mbretit dhe hajdutve qi e rrethonin». Qëllimi i Cianos dhe i agjentit të Hj Giro, ishte me provokue trazime në Shqipni për të paralizue çdo rezistencë kundër agresionit fashist. «Mbretit Zog, shkruen Ciano, - do t'i japim nji jot (anije luksi private) me nji ekipazh italian, në mënyrë qi të mos ket se si me u arratisë.» Parashikimet e Cianos, i cili ishte fare i sigurtë përsa i përket suksesit të «grushtit», shkonin aq larg sa me llogaritë fitimet ekonomik qi kishte me prue zaptimi i Shqipnis. Nji grup ekspertësh qi kishte ba studime në vënd i kishte raportue se zbatimi i nji programi të gjanë kanalizimi dhe irigacioni të tokave bujqlsore do të shtonle prodhimin e drithit për bukë me 200.000 ton në vit, dhe kjo sasi do të shërbente për ushqimin e Italjanve. Nji pikë tjetër e komplotit sajue me kaq kujdes nga klika e Cianos ishte se, ditën qi të debarkonte ushtërija italiane në brigjet e Shqipnis, Mbreti Zog do të vritej nga bandat besnike t'Italis qi do të zbrisnin në Tiranës prej maleve të veriut. Në gjyqin qi u ba në Romë mbas lufte, Jakomoni mohoi se ishin ba plane për të vra mbretin Zog. Sidoqoftë për të plotësue leggjendën se e gjith kjo punë do të kryhej me pëlqimin e viktimave të agresionit fashist, Ciano kishte caktue qi nji grup Shqiptarësh «të		besueshëm» të shkonte në Romë për me i ofrue kunorën e Shqipnis Viktor Emanuelit tëIII. Në pranverën e vitit 1939 divizionet panzer të Hitlerit marshuen në Çekosllovaki pa gjetë asnji kundërshtim. Mussolini vendosi se ishte radha e tij me gllabërue Shqipnin për të ruejtë terezin në mes të dy anëve të boshtit Romë-Berlin. Duçja i dha urdhën ministrit t'Italis në Tiranë, Jakomonit, me hudhë parullën e kryengritjes, për të cilën të gjitha pregatitjet dukej se ishin ba; po në at kohë, komanda e flotës muen urdhën me pasë gati nji skuadër luftanijesh në Taranto. Ditën qi lindi princi trashëgimtar Leka, Mbretit Zog iu dorzue ultimatumi i Mussolinit, i cili lypte të drejtën me shkarkue ushtëri në tokë shqiptare, qoftë me pëlqimin e Mbretit ose tue përdorë forcën. Tash pritej qi të vërtetohej parashikimi i Cianos se Mbreti Zog do të pranonte me u ba vasal i Italis për të shpëtue vehten dhe familjen. Ciano e thotë troç se kërkesat qi Musso- lini i bani Mbretit Zog në ultimatumin e prillit 1939 do të përfundonin me aneksimin e Shqipnis nga Italija. Kto kërkesa duheshin pranue pa asnji ndryshim, përndryshe do të ndërhynte ushtërija për me zaptue Shqipnin. Tue pasë kët mundësi parasysh, qeverija italiane kishte përqëndrue katër regjimente «bersaglieri» në Pulie, nji divizion të kambsoris, nji fuqi të madhe bombarduesash, si dhe nji skuadër luftanijesh. Simbas ditarit të Cianos, kto pregatitje ishin ba qysh me 23 mars 1939, domethanë dy javë para të Premtes së Zeze të invazionit. Mbasi Jakomoni të dorzonte ulmatumin, simbas Ditarit të Cianos, në Shqipni do të shpërthenin trazimet për të shërbye si pretekst (sebep) për ndërhyrjen ushtarake t'Italis.

» luani luan me 16 prill te lutem shiqoni se eshte meq i rendesishem....