Emmy “A ma jep”

Emmy “A ma jep”

Posted on
Aug. 3rd, 2010 by WebMaster



Një nga femrat më të bukura shqiptare, këngëtaren Emmy, çdo
ditë e më shumë e shohim në ekranin e televizioneve tona. Kënga e saj e
fundit së cilës i ka realizuar edhe videoklipin, mban titullin, “A ma
jep”, një këngë shumë interesante, që sjell një Emmy ndryshe nga ajo që
jemi mësuar ta shohim.

Ronela dhe Emmy shndërrohen në bionde dhe realizojnë klipe të nxehta


Posted on
Jul. 30th, 2010 by WebMaster



Janë mikesha dhe ndoshta ka qenë një ide që u ka shkrepur të
dyjave në kokë për të ndryshuar pamjen e tyre nga brune në bionde. Ronela Hajati dhe
këngëtarja Emmy kanë përgatitur të dyja nga një klip veror të nxehtë,të
kompozuar nga Flori Mumajesi. Klipi i “Emmy-t” me titull provokues “Ama
jep”, ka nisur të transmetohet në kanalet muzikore.
Aty këngëtarja shfaqet bionde, dhe gjithë skena luhet ulur poshtë një
frigoriferi me fruta e ëmbëlsira, në një marrëdhënie intime me një djalë
që ia servir një nga një.
Ndërsa Ronela ende nuk e ka publikuar klipin e saj të ri, që ka për
fabul ndarjen. Ajo i ka shkruar vetë vargjet që flasin për ndarjen midis
dy të dashuruarve ndaj pas shumë kohësh vendos të flasë e t’i thotë
gjërat hapur, dhe po ashtu vendos të harrojë gjithçka që ka kaluar në
këtë histori dashurie.

Këngëtarja pohon se nuk është frymëzuar nga ndonjë histori personale të
saj, kur është ulur të shkruajë vargjet. Ndërkohë puna për realizimin e
këtij klipi ka qenë dhe arsyeja pse këngëtarja nuk mori pjesë në “Top
fest 7”, një garë ku garojnë shumë këngëtarë të rinj. Dy këngëtaret
tashmë janë me koncerte në bregdet.

Ronela ka qenë e ftuar në Shëngjin të këndojë së bashku me Samanta
Karavellën, ndërsa Emmy është e ftuar në plazhin e Velipojës të këndojë
në një lokal nate.