Gjyste Vulaj, një dekadë në skenë

Gjyste Vulaj, një dekadë në skenë


Posted on
Aug. 5th, 2010 by WebMaster



Këngëtarja shqiptare nga Mali i Zi, Gjyste Vulaj ka disa ditë
që e ka publikuar albumin më të ri të saj.
Albumin e titulluar “Je 1-sh” që shënon 10 vjet në skenë, këngëtarja
Vulaj e konsideron si më të mirin në karrierën e saj muzikore.
Albumi përmban 15 këngë, ka stil “alla Gjyste”, pak më shumë
popullore, moderne, një këngë i përket stilit rok, disa të tjera me një
bazë zbavitëse, ka shumë këngë të bukura, ka edhe dy potpuri popullore
të vjetra të ri-orkestruara.
Ky album është i 8-ti me radhë dhe shënon një dekadë të qëndrimit.
Edhe në këtë album Gjystja ka bashkëpunuar me kompozitor të njohur
shqiptarë më të cilët ka pasur edhe bashkëpunime më të hershme, por
gjithmonë me përkrahjen e bashkëshortit të saj Sokol Vulajt i cili është
krah i djathtë gjithmonë në karrierën e saj.
“Kam bashkëpunuar me kompozitor të njohur shqiptar duke filluar nga
Sokol Vulaj, Xhevdet Gashi, Naim Krasniqi e shumë të tjerë”, thotë ajo
duke shtuar se është ndarë shumë e kënaqur me punën e tyre.
Ndërkaq këngëtarja bën me dije se shumë shpejt do të editon edhe dy
videoklipe prej këngëve më të dëgjuara të albumit të ri.

“Sa ju përket videoklipeve i kam disa oferta për realizimin e tyre nga
produksione të ndryshme. Si
fillim do të i bëj një ose dy videoklipe, ndërsa mbas sezonit veror do
vazhdojmë me të tjerat, ku dhe do të ia bashkëngjisë këtij albumin një
video projekt.”, shton Gjystja.

Çdo natë live në “Belveder”
Që nga fillimi i sezonit verorë, këngëtarja Vulaj këndon çdo natë në
tarracën “Belveder” në plazhin e vogël në Ulqin.

“Çdo natë jam bashkë më adhuruesit e mi duke i argëtuar në tarracën e
“Belveder”. Jam shumë e lumtur dhe e gëzuar kur shoh gjithë atë publik
që vjen çdo natë për të u argëtuar më këngët e mia.
Kjo më bën të ndihem më e fortë se asnjëherë tjetër”, nënvizon
këngëtarja sharmante. Përveç që Gjyste Vulaj bën muzikë, ajo kohën me
diel e shfrytëzon edhe për të u larë në plazhet e bukura të Ulqinit.
“E dua detin dhe kohën me diel. Dal shumë shpesh për të u larë, sepse
plazhi me relakson dhe më disponon”, tregon Gjystja duke thënë se notin
që e pëlqen ajo është “Krol” me gjoks –shpinë dhe bretkosë.
E njohur për ekstravagancë
Gjyste Vulaj është e njohur për veshjet e saj esktravagante, por ajo
thotë se gjithçka që bën është e kufizuar.
“Verën e kaloj në vilen time në Pinjesh Ulqin-Plazhi i vogël. Kemi
një pishin të bukur pranë shtëpisë sime dhe ashtu që dita më kalon në
bikini, kur dal vishem hollë, ndërsa veshjet e mia skenike janë nga
minimumi deri në maksimum por gjithmonë pa kaluar në ekstrem”, përfundoi
ajo.
Arben Gjinaj Zeri