Flasin ish-banorët e Big Brother Albania 3, Kika: Dyshoja prej kohësh, Olta: Domenika më tha se ishte shtatzënë

Flasin ish-banorët e Big Brother Albania 3, Kika: Dyshoja prej
kohësh, Olta: Domenika më tha se ishte shtatzënë

Posted on
Aug. 4th, 2010 by WebMaster



Kika: Dyshoja prej kohësh në ishte
apo jo Seldi, djali i ëndrrave të Domit. Klodi:
Domi më ke zhgënjyer, Olta:
Domenika më tha se ishte shtatzënë, Mandi:
Seldi, “Don Zhuani” i lokalit tim. Domi u tregua ordinere.
Sapo kam takuar Seldin në shtëpinë e “Big Brother”, kam kuptuar që
kisha të bëja me një djalë me zemër të artë. Për këtë, asnjëherë nuk kam
dyshuar, pasi Seldi këtë ma vërtetonte çdo ditë. Edhe pse çapkën, e unë
e quaja shpesh “çun mamaje”, Seldi për mua do të mbetet gjithmonë ai
djali me zemër të artë, jo për shkak të korrektësisë që ka treguar
karshi meje si konkurrent, por për shkak se ishte ndër të paktët banorë
brenda, që shihte njeriun para konkurrentit. Më erdhi keq për atë
deklaratë që ka bërë Domi, e cila spontanisht u bë vajza e ëndrrave të
Seldit dhe pse gjithmonë pata dyshuar në do të ishte Seldi ndonjëherë
djali i ëndrrave të Domit. Të jesh me një njeri edhe për një natë të
vetme, nuk është njerëzore ta akuzosh, aq më tepër ta quash homoseksual
dikë me të cilin ke ndarë shtratin përpara syve të miliona njerëzve. I
takova përpara disa ditësh në Tiranë dhe m’u dukën si dy pëllumba të
dashuruar. Thashë me vete, njeriu gabon në gjykimet e tij, por ja që
doli se nuk kisha gabuar. Seldi ishte magjepsur pas Domit, ai shihte të
ardhmen me të, diku si një familje e lumtur e me plot fëmijë. Është
krejt normale që një çift të ndahet, por më duket anormale dhe amorale
që të ndash shtratin me tjetrin dhe në fund ta akuzosh për
homoseksualizëm. Kjo më duket një hakmarrje e tipit të Medeas, e cila
për inat të burrit vret fëmijën e saj, në një tregim mitologjik. Mbi të
gjitha më vjen keq që ka dalë nga Domenika, të cilën e kam vlerësuar të
paktën si një vajzë moderne, me një kulturë evropiane. I them djaloshit
me zemër të artë, të mos zhgënjehet sepse ka edhe më keq, hakmarrja e
femrës di të jetë edhe më e ligë. Përpara djalosh!

Klodi: Domi më ke zhgënjyer
Mikesha ime më e mirë, madje në “Big Brother” e kam konsideruar motër
dhe ajo mua vëlla, por me këtë që ka bërë nuk mund ta konsideroj më të
tillë. Në mënyrë absolute ajo është shpifje. Tani që lidhja e tyre
mbaroi, Domenika hakmerret duke nxjerrë fjalë të tilla. Edhe një herë,
turp.
Olta: Domenika më tha se ishte shtatzënë
Kur lexova artikullin, mbeta pa fjalë, pasi unë Domin në “Big
Brother” e kam pasur shoqe, gjithashtu edhe pas daljes nga ky reality ne
vijojmë të jemi shoqe, por pavarësisht kësaj, unë nuk mund të rri dot
pa thënë të vërtetën. Kemi dalë shumë herë me Domin dhe Seldin nëpër
lokale të ndryshme të Tiranës dhe një ditë Domi ishte shumë e mërzitur.
Kur e pyeta se çfarë kishte, më tha se ishte shtatzënë. Me thënë të
drejtën unë u gëzova. E pyes Domin se çka për t’u mërzitur dhe ajo më
tha se “si nuk është për t’u mërzitur, unë jam e re, kam karrierën,
pastaj unë dua të iki në Itali, nuk mund të jetoj këtu… dhe plot gjëra
të tilla”. Kur e pyeta se ç’mendon Seldi në lidhje me këtë, ajo më tha:
“Seldi e do fëmijën, por unë jam konfuze me këtë lidhje, dua akoma atë
që kam në Itali”. Kur e pyeta se çfarë thotë mama Vale, ajo më tha:
“Edhe ajo më thotë ‘hiqe se je ende e re’, dhe vetë e kam menduar dhe do
ta heq”. Më mbrapa mësova se e kishte abortuar fëmijën dhe për këtë gjë
Seldi ishte ndarë me sherr prej Domit. Më vjen shumë shumë keq se unë
jam femër vetë, por të mundohesh të shkatërrosh jetën e një njeriu duke
shpifur për të mbuluar veten, kjo më duket e pafalshme, skandaloze.
Mandi: Seldi, “Don Zhuani” i lokalit tim. Domi u tregua
ordinere
Unë e kam deklaruar edhe më parë dhe në “Big Brother” se ajo femër e
përdorte Seldin dhe luante me ndjenjat e tij, por që të arrinte deri në
këtë pikë, për të mbuluar abortin që ka bërë, këtë nuk e mendoja.
Domenika me Seldin kanë bërë seks gati për çdo natë në “Big Brother”. Po
të doni mund të merrni kasetat pasi çdo gjë është e regjistruar. E kam
thënë edhe në “Big Brother”, Seldin e kam njohur shumë kohë përpara se
të hynte aty, sepse ai ishte klient i rregullt në lokalin tim, dhe çdo
të shtunë vinte me nga një femër të re. Madje, ne me përkëdheli i
thoshim shpesh: “Erdhi ‘Don Zhuani’”. Pas daljes nga “Big Brother”,
Seldi dhe Domi vinin në lokalin tim. Kur e pyeta Domin përse nuk
kërcente aty, ajo më tha se priste një fëmijë. Më vonë mësova që lidhja e
tyre ishte në krizë, pasi Domi donte që ta hiqte fëmijën, por Seldi nuk
ishte dakord. Pra, ndarja ka ardhur nga aborti dhe jo nga shpifjet në
artikullin që ka nxjerrë Domenika. Si përfundim, dua të them që ajo
femër nuk u ngop duke ia nxirë jetën në “Big Brother”, por nuk nguroi ta
bënte një gjë të tillë edhe jashtë. Gazeta Shqiptare