Ligji per proceduren e permbarimit i Kosoves

1
Republika e Kosovës
Republika Kosova
Kuvendi
LIGJI Nr. 03/L-008
PËR PROCEDURËN PËRMBARIMORE
Kuvendi i Republikës së Kosovës,
Në bazë të nenit 65(1) të Kushtetutës së Republikës së Kosovës,
Me qëllim të krijimit të dispozitave ligjore për ekzekutimin e vendimeve të gjykatave civile dhe
eliminimin e pengesave procedurale gjatë ekzekutimit;
Me qëllim të ndërtimit të një sistemi ligjor të ekzekutimit të vendimeve të gjykatave civile në
përputhje më standardet ndërkombëtare,
Miraton këtë
LIGJ PËR PROCEDURËN PËRMBARIMORE
P J E S A E P A R Ë
K R E U I
DISPOZITAT THEMELORE
Neni 1
Përmbajtja e ligjit
1.1 Me këtë ligj caktohen rregullat për procedurën e gjykatës sipas të cilës realizohen kërkesat në bazë
të titujve ekzekutiv ( procedura e përmbarimit), po qe se me ligj të posaçëm nuk është paraparë diçka
tjetër.
1.2 Dispozitat e këtij ligji zbatohen edhe për përmbarimin e vendimit të dhënë në procedurën
administrative dhe për kundërvajtje me të cilin është caktuar detyrimi në të holla, përveçse kur për
përmbarimin e tillë është paraparë me ligj kompetenca e organit tjetër.
2
Neni 2
Domethënia e fjalëve dhe shprehjeve të përdorura
Shprehjet dhe fjalët e caktuara të përdorura në këtë ligj e kanë këtë domethënie:
“Kredia” është e drejtë për realizimin e shumës së të hollave apo të ndonjë dhënieje, veprimi,
mosveprimi apo pësimi;
“Kreditor“ është personi kredia e të cilit realizohet në procedurën e përmbarimit të dhunshëm;
“Debitor” është personi ndaj të cilit realizohet kredia;
“Propozues i sigurimit” është personi që e fillon procedurën për sigurimin e ndonjë kredie;
“Kundërshtar i sigurimit” është personi ndaj të cilit sigurohet kredia;
“Pjesëmarrës” është personi që në procedurën e përmbarimit e realizon ndonjë të drejtë apo interes
juridik, e që nuk është palë në procedurën e përmbarimit;
“Titulli ekzekutiv” është dokument në bazë të cilit fillohet procedura e ekzekutimit;
“Aktvendimi për përmbarimin” është vendim me të cilin pjesërisht apo në tërësi aprovohet
propozimi për përmbarim;
“Gjykatë” nënkupton gjykatësin e ngarkuar për ekzekutimin e titujve ekzekutiv në procedurën
përmbarimore;
“Person zyrtar” është i punësuari në gjykatë i cili drejtpërdrejt kryen veprime ekzekutive të caktuara;
“Libri publik i palujtshmërive” nënkupton të gjitha librat publike në të cilat regjistrohen të drejtat
për sendet e paluajtshme;
“Letra me vlerë” nënkupton formën e materializuar të letrave me vlerë (dokumentet);
“Aksioni” nënkupton letrën me vlerë që lëshohet në formë të shënimit elektronik dhe që regjistrohet
në regjistrin e letrave me vlerë;
“Banka” nënkupton bankën apo organizatën financiare e cila kryen punët e qarkullimit të pagesave;
“Parashënimi” është lloj regjistrimi në librat publike me të cilin kushtimisht fitohen, barten apo
shuhen të drejtat për sendet e paluajtshme dhe sendet tjera që janë objekt përmbarimi.
Neni 3
Vënia në veprim e procedurës
3.1 Procedura e përmbarimit fillohet me propozimin e kreditorit.
3.2 Procedura e përmbarimit fillohet sipas detyrës zyrtare kur me ligj parashihet një gjë e tillë.
3
Neni 4
Kompetenca
4.1 Përmbarimin e cakton dhe zbaton gjykata e paraparë me këtë ligj, po qe se me ligj tjetër nuk është
paraparë ndryshe.
4.2 Kompetenca tokësore e gjykatave caktohet me dispozitat e këtij ligji, varësisht nga mjetet dhe
objekti i përmbarimit.
Neni 5
Ngutshmëria dhe radha e veprimit
5.1 Në procedurën e përmbarimit gjykata ka për detyrë të veprojë me ngutshmëri.
5.2 Gjykata ka për detyrë që lëndët t’i marrë në procedim sipas radhës me të cilën i kanë ardhur
propozimet për përmbarim, përpos kur natyra e kredisë ose rrethanat e posaçme kërkojnë që gjykata të
veprojë ndryshe.
Neni 6
Mjetet dhe objekti i përmbarimit
6.1 Mjete të përmbarimit janë veprimet ekzekutive ose sistemi i veprimeve të tilla, me të cilat sipas
ligjit kredia realizohet më dhunë..
6.2 Objekt përmbarimi janë sendet dhe të drejtat për të cilat sipas ligjit mund të kryhet përmbarimi për
realizimin e kredisë.
6.3 Veprimet ekzekutive mund të kryhen drejtpërdrejtë kundër debitorit dhe personave tjerë, në pajtim
me këtë ligj.
Neni 7
Përjashtimi nga përmbarimi
7.1 Objekt përmbarimi nuk mund të bëhen sendet jashtë qarkullimit juridik, pasuritë nëntokësore dhe
pasuritë tjera natyrore.
7.2 Objekt përmbarimi nuk mund të bëhen objektet, armatimi dhe pajisjet e forcave të armatosura dhe
të policisë, e as mjetet financiare të siguruara për dedikime të këtilla.
4
Neni 8
Kufizimi i mjeteve dhe i objekteve të përmbarimit
8.1 Gjykata me aktvendim e cakton përmbarimin me anë të atij mjeti dhe në atë objekt përmbarimi që
është përmendur në propozimin për përmbarimin.
8.2 Në qoftë se janë propozuar më shumë mjete apo objekte përmbarimi, gjykata mund ta kufizojë
përmbarimin vetëm në disa nga mjetet dhe objektet e tilla, po qe se mjaftojnë për realizimin e kredisë.
8.3 Po qe se aktvendimi i përmbarimit nuk mund të zbatohet në objektin apo mjetin e caktuar, atëherë
propozuesi i përmbarimit me qëllim të realizimit të kërkesës së njëjtë, mund të propozojë mjet ose
objekt tjetër përmbarimi.
Neni 9
Përbërja e gjykatës dhe vendimet
9.1 Procedurën e përmbarimit në shkallë të parë e udhëheqë dhe në të jep vendime gjykatësi individual
(i vetëm).
9.2 Vendimet në procedurën e përmbarimit gjykata i jep në formë të aktvendimit ose në formë të
konkluzionit.
Neni 10
Parashtresat, seancat dhe dosjet
10.1 Në procedurën përmbarimore gjykata vepron në bazë të parashtresave dhe shkresave të tjera.
10.2 Gjykata cakton seanca gjyqësore atëherë kur një gjë e tillë është paraparë me këtë ligj, ose kur
mendon se një gjë e tillë është e dobishme.
10.3 Për punën e kryer në seancë, në vend të procesverbalit gjykata mund të përpilojë shënim zyrtar.
10.4 Jashtë seancës gjyqësore gjykata e dëgjon palën apo pjesëmarrësin tjetër në procedurë, po qe se
një gjë e tillë është paraparë me këtë ligj, apo kur vlerëson se një gjë e tillë është e nevojshme për
sqarimin e ndonjë çështjeje, apo për deklarimin lidhur me ndonjë propozim të palës.
10.5 Mungesa e njërës apo e të dy palëve, ose e pjesëmarrësit tjetër në procedurë nga seanca
gjyqësore, apo mosveprimi sipas letërthirrjes së gjykatës me qëllim të dëgjimit të tyre, nuk e pengon
gjykatën që të veprojë në seancë.
10.6 Parashtresat në procedurën përmbarimore paraqiten në numër të mjaftueshëm për gjykatën dhe
për palën kundërshtare.
5
Neni 11
Dërgimi i parashtresave dhe shkresave
11.1 Sipas rregullave të Ligjit për Procedurën Kontestimore, të parapara për dërgimin e padisë,
dërgohet edhe aktvendimi për propozimin për përmbarimin, aktvendimi pas prapësimit kundër
aktvendimit për përmbarimin dhe aktvendimi për gjobën me të holla.
11.2 Në rastin e përmbarimit në bazë të dokumentit të besueshëm, po qe se pala të cilës duhet dorëzuar
shkresa nuk gjendet në adresën e treguar në propozimin e përmbarimit, e as në adresën apo selinë e
paraqitur në organin shtetëror, atëherë dorëzimi bëhet nëpërmjet tabelës për shpallje të gjykatës edhe
në rastin e dorëzimit të vendimeve të përmendura në paragrafin 1 të këtij neni.
Neni 12
Mjetet e goditjes së vendimeve
12.1 Në procedurën përmbarimore janë mjete të zakonshme goditjeje prapësimi dhe ankesa, po qe se
nuk janë përjashtuar me këtë ligj.
12.2 Kundër aktvendimit të shkallës së parë mundë të paraqitet prapësimi, kurse ankesa vetëm në
rastet e parapara me këtë ligj.
12.3 Prapësimi i paraqitet gjykatës që e ka dhënë aktvendimin brenda afatit prej 7 ditësh nga dita e
dorëzimit të aktvendimit, po qe se me këtë ligj nuk është paraparë ndryshe. Për prapësimin e paraqitur
vendosë gjykata që e ka dhënë aktvendimin.
12.4 Kundër aktvendimit të dhënë lidhur me prapësimin mund të paraqitet ankesa brenda afatit prej 7
ditësh nga dita e dorëzimit të aktvendimit.
12.5 Për ankesën e paraqitur është kompetente të vendos gjykata e shkallës së dytë.
12.6 Prapësimi dhe ankesa nuk e ndalin procedurën përmbarimore, por përmbushja e kërkesës së
propozuesit të përmbarimit shtyhet deri sa mos të vendosë gjykata e shkallës së parë për prapësimin e
paraqitur. Përjashtimisht kur me titullin ekzekutiv është caktuar detyrimi i ushqimit ligjor, apo kur
përmbarimi kryhet duke u kaluar të hollat nga llogaria e transaksionit të personit juridik në llogarinë e
llojit të njëjtë të propozuesit të përmbarimit, por edhe në rastet tjera të parapara me këtë ligj, mund të
realizohet kredia edhe para se të vendoset për prapësimin e debitorit.
12.7 Kundër konkluzionit si lloj i vendimit në parim nuk lejohet mjeti i goditjes.
Neni 13
Forma e prerë dhe përmbarueshmëria
13.1 Aktvendimi kundër të cilit nuk është paraqitur brenda afatit ligjor prapësimi, bëhet i formës së
prerë dhe i përmbarueshëm.
6
13.2 Aktvendimi kundër të cilit është refuzuar prapësimi bëhet i përmbarueshëm, e po qe se kundër tij
nuk është e lejueshme ankesa, ai bëhet edhe i formës së prerë.
13.3 Aktvendimi me të cilin është refuzuar prapësimi bëhet i formës së prerë po qe se kundër tij nuk
paraqitet ankesë brenda afatit ligjor, ose në qoftë se ankesa e paraqitur refuzohet si e pathemeltë.
13.4 Po qe se me këtë ligj është paraparë se kundër aktvendimit të shkallës së parë mund të paraqitet
ankesa në vend të prapësimit, atëherë aktvendimi i tillë bëhet përmbarimore, kurse i formës së prerë
po qe se nuk paraqitet ankesa brenda afatit ligjor, ose kur ankesa e paraqitur refuzohet si e pabazë.
Neni 14
Mjetet e goditjes së jashtëzakonshme
14.1 Kundër aktvendimit të nxjerrë në formë të prerë në procedurën përmbarimore dhe të sigurimit
nuk lejohet revizioni as përsëritja e procedurës.
14.2 Kthimi në gjendjen e mëparshme lejohet vetëm në rast të mosruajtjes së afatit për paraqitjen e
prapësimit dhe të ankesës kundër aktvendimit të përmbarueshëm për përmbarimin e detyrueshëm.
Neni 15
Afatet ligjore për kryerjen e veprimeve
15.1 Për propozimin e përmbarimit të detyrueshëm gjykata ka për detyrë të vendos brenda afatit prej
15 ditësh, nga dita e paraqitjes së propozimit të tillë.
15.2 Për prapësimin e paraqitur gjykata ka për detyrë të vendos brenda afatit prej 15 ditësh, nga dita në
të cilën janë plotësuar kushtet për vendosje për te.
Neni 16
Radha e realizimit të kredive të më shumë kreditorëve
Kërkesat e më tepër kreditorëve që i realizojnë kredit e tyre në të holla ndaj debitorit të njëjtë dhe për
të njëjtin objekt përmbarimi, e bëjnë një gjë të tillë sipas radhës me të cilën e kanë fituar të drejtën për
realizimin e kërkesës për objektin e tillë, përveçse në rastet në të cilat me këtë ligj është paraparë
ndryshe.
7
Neni 17
Përmbarimi i vendimit të gjykatës së huaj
Përmbarimi i vendimit të gjykatës së huaj caktohet dhe zbatohet sipas këtij ligji, vetëm kur ai i
plotëson kushtet e parapara me ligj apo kontratë ndërkombëtare për njohje dhe përmbarim.
Neni 18
Përmbarimi për pasurinë e shtetit të huaj
Për pasurinë e shtetit të huaj ose të organizatës ndërkombëtare në Kosovë nuk mund të caktohet
përmbarimi pa pëlqimin paraprak të organit shtetëror kompetent, përveç kur shteti i huaj shprehimisht
pajtohet që përmbarimi të kryhet.
Neni 19

19.1 Shpenzimet e procedurës lidhur me caktimin dhe kryerjen e përmbarimit paraprakisht i paguan
kreditori .
19.2 Shpenzimet nga paragrafi 1 i këtij neni, propozuesi i përmbarimit ka për detyrë t’i parapaguaj
brenda afatit të caktuar nga gjykata. Gjykata do ta pezulloj përmbarimin po qe se nuk parapaguhen
shpenzimet brenda afatit të tillë. Po qe se brenda afatit gjyqësor nuk parapaguhen shpenzimet për
kryerjen e një veprimi konkret, atëherë nuk do të kryhet vetëm veprimi i tillë.
19.3 Shpenzimet e procedurës së filluar sipas detyrës zyrtare, paraprakisht i përballon vetë gjykata nga
mjetet financiare të buxhetit të saj.
19.4 Debitori ka për detyrë që propozuesit të përmbarimit t’ia paguaj shpenzimet që kanë qenë të
domosdoshme për përmbarimin.
19.5 Propozuesi i përmbarimit duhet t’ia kompensojë debitorit shpenzimet e shkaktuara pa nevojë të
justifikueshme.
19.6 Kërkesa për pagimin e shpenzimeve paraqitet më së voni brenda afatit prej 15 ditësh, nga dita e
përfundimit të përmbarimit.
19.7 Për kërkesën për pagimin e shpenzimeve procedurale gjykata vendos në procedurën e
përmbarimit dhe po në këtë procedurë sipas propozimit të palës, e cakton përmbarimin me qëllim të
realizimit të tyre.
8
Neni 20
Garancioni
20.1 Në rastet në të cilat ky ligj e parasheh dhënien e garancionit, atëherë ai jepet në para të gatshme.
Gjykata mund ta lejoj dhënien e garancionit në formë të garancisë bankare, të letrave me vlerë, si dhe
në sende të çmueshme, vlera e të cilave lehtë caktohet në treg dhe që mund të shëndërrohet në të holla
shpejtë dhe në mënyrë të thjeshtë.
20.2 Institucionet e Kosovës dhe organet ose shërbimet e tyre nuk janë të detyruara të deponojnë
garancion kur në procedurën përmbarimore paraqiten si palë.
20.3 Në garancionin e deponuar pala kundërshtare e fiton të drejtën e pengut ligjor.
20.4 Po qe se gjykata në procedurën përmbarimore vendos për të drejtën e palës kundërshtare që t’i
paguhen shpenzimet procedurale lidhur me veprimin për kryerjen e të cilit është dhënë garancioni,
atëherë me propozimin e saj, gjykata me të njëjtin aktvendim do të vendos edhe për pagimin e
kërkesës së konstatuar nga garancioni i tillë.
Neni 21
Gjobat dhe masat e dhunshme në procedurën përmbarimore
21.1 Kur me këtë ligj dënimi në të holla është paraparë si mjet përmbarimi, atëherë ai mund t’i
shqiptohet personave fizik në shumë prej 100 deri 1000 Euro, kurse personit juridik në shumë prej
1000 deri 10.000 Euro.
21.2 Në rastin nga paragrafi 1 i këtij neni, dënimi në të holla në shumë prej 500 deri 2500 Euro, mund
t’i shqiptohet edhe personit përgjegjës në personin juridik.
21.3 Dënimi në të holla nga paragrafi 1 dhe 2 i këtij neni, mund të shqiptohet në mënyrë të përsëritur,
po qe se debitori nuk vepron sipas urdhrit të përsëritur të gjykatës apo vazhdon të veprojë në
kundërshtim me të.
21.4 Para shqiptimit të dënimit në të holla, gjykata ia mundëson debitorit deklarimin dhe kur e do
nevoja ajo mund të caktojë seancë me qëllim të marrjes së provave.
21.5 Dënimin në të holla e shqipton gjykatësi duke i marrë parasysh të gjitha rrethanat e rastit konkret,
e sidomos fuqinë ekonomike të debitorit dhe rëndësinë e veprimit që ka pas për detyrë ta kryej. Me
aktvendimin për gjobitjen, caktohet edhe afati për pagimin e shumës së të hollave që e përbënë
dënimin.
21.6 Personi i gjobitur mund të paraqesë prapësim kundër aktvendimit brenda afatit prej 7 ditësh, nga
dita kur i është dorëzuar ai.
21.7 Personi i gjobitur duhet t’i paguaj shpenzimet e krijuara me shqiptimin dhe përmbarimin e kësaj
gjobe.
9
21.8 Pas përmbarimit të aktvendimit, gjobën në të holla e realizon gjykata sipas detyrës zyrtare, në
dobi të llogarisë rrjedhëse nga e cila financohet gjykata përmbarimore. Shpenzimet e përmbarimit e
ngarkojnë buxhetin e gjykatës, kurse pagimi i këtyre shpenzimeve që caktohet me anë të konkluzionit,
zbatohet në procedurën e realizimit të dhunshëm të dënimit në të holla.
21.9 Dënimi në të holla mund të shqiptohet dhe zbatohet edhe kundër debitorit dhe personave fizik të
tjerë, si dhe kundër personave përgjegjës në personin juridik edhe kur refuzojnë të epin të dhëna për
pasurinë e debitorit, si dhe kur me veprimet dhe sjelljet e tyre në kundërshtim me urdhrin ose ndalimin
e gjykatës, e dëmtojnë apo asgjësojnë pasurinë e debitorit, apo e pengojnë gjykatën në kryerjen e
veprimeve përmbarimore.
21.10 Dënimi në të holla i shqiptuar sipas dispozitave të këtij neni nuk mund të shndërrohet në dënim
me burgim.
Neni 22
Zbatimi i dispozitave të ligjeve tjera
Në procedurën përmbarimore përshtatshmërish zbatohen dispozitat e Ligjit për Procedurën
Kontestimore, po qe se në këtë ligj ose në ndonjë ligj tjetër nuk parashihet diçka tjetër.
P J E S A E D Y T Ë
PROCEDURA E PËRMBARIMIT
K R E U II
DOKUMENTI PËRMBARIMOR DHE DOKUMENTI I BESUESHËM
Neni 23
Bazat juridike për caktimin e përmbarimit
Gjykata e cakton përmbarimin vetëm në bazë të titullit ekzekutiv (titulus executionis) apo të
dokumentit të besueshëm, po qe se me këtë ligj nuk është parashikuar diçka tjetër.
Neni 24
Titulli ekzekutiv
24.1 Tituj ekzekutiv janë:
a) vendimi ekzekutiv i gjykatës dhe ujdia gjyqësore ekzekutive ;
10
b) vendimi ekzekutiv i dhënë në procedurë administrative dhe ujdia administrative, po qe se ka të
bëjë me detyrimin në të holla dhe po qe se me ligj nuk është paraparë diçka tjetër ;
c) dokumenti noterial ekzekutiv;
d) dokumenti tjetër që me ligj është quajtur dokument ekzekutiv.
Neni 25
Vendimi dhe ujdia
25.1 Sipas këtij ligji, vendim gjyqësor konsiderohet aktgjykimi, aktvendimi, si dhe vendimi tjetër i
dhënë në procedurën gjyqësore ose të arbitrazhit, kurse ujdi gjyqësore konsiderohet ujdia e arritur
përpara gjykatës dhe arbitrazhit.
25.2 Vendim i organit administrativ, sipas këtij ligji konsiderohet aktvendimi dhe konkluzioni i dhënë
në procedurë administrative nga organi ose shërbimi administrativ apo nga personi juridik i ngarkuar
me autorizime publike, kurse ujdi administrative konsiderohet ujdia e arritur në procedurën
administrative përpara organit ose shërbimit, përkatësisht personit juridik të tillë.
Neni 26
Përmbarueshmëria e vendimit
26.1 Vendimi gjyqësor me të cilin është urdhëruar përmbushja e kredisë për ndonjë dhënie apo bërje,
është ekzekutiv po që se ka marrë formë të prerë, si dhe po qe se ka skaduar afati për përmbushje
vullnetare (afati paritiv). Afati për përmbushje vullnetare fillon të ecë nga dita e dorëzimit të vendimit
debitorit ekzekutiv dhe përfundon me skadimin e ditës së fundit të caktuar me vendimin gjyqësor, po
qe se me ligj nuk është paraparë ndryshe.
26.2 Vendimi gjyqësor me të cilin është urdhëruar përmbushja e kredisë për mosveprim, ose pësim,
është ekzekutiv po qe se është bërë i formës së prerë, përveçse kur në dokumentin ekzekutiv është
caktuar afat i posaçëm për akordimin e sjelljeve të debitorit me detyrimin e tij.
26.3 Vendimi i dhënë në procedurë administrative është përmbarimorë, po qe se i tillë është bërë sipas
rregullave me të cilat është rregulluar procedura e tillë.
26.4 Në bazë të vendimit i cili është bërë ekzekutiv vetëm në një pjesë të tij, përmbarimi mund të
lejohet vetëm për sa i përket pjesës së tillë.
26.5 Përmbarimi caktohet në bazë të vendimit gjyqësor që ende nuk është bërë i formës së prerë, ose
në bazë të vendimit të dhënë në procedurën administrative që nuk është bërë definitiv, vetëm po qe se
me ligj është paraparë se ankesa, apo mjeti juridik tjetër nuk e pengon përmbarimin.
11
Neni 27
Përmbarueshmëria e ujdisë
27.1 Ujdia gjyqësore dhe ujdia e lidhur në procedurën administrative është ekzekutive në qoftë se
kredia të cilën duhet përmbushur sipas saj është bërë e realizueshme.
27.2 Realizueshmëria e kredisë provohet me anë të procesverbalit për ujdinë, me anë të dokumentit
publik, ose me anë të dokumentit të vërtetuar sipas ligjit.
27.3 Realizueshmëria që nuk mund të provohet në mënyrën e treguar në paragrafi 2 të këtij neni,
provohet me anë të vendimit të dhënë në procedurën kontestimore me të cilin konstatohet
kërkueshmëria e kredisë (kërkesës).
27.4 Në bazë të ujdisë që është bërë e ekzekutueshme vetëm në një pjesë të saj, përmbarimi mund të
caktohet vetëm sa i përket pjesës së tillë.
Neni 28
Përshtatshmëria e dokumentit ekzekutiv për përmbarim
28.1 Dokumenti ekzekutiv është i përshtatshëm për përmbarim në qoftë se në të është treguar kreditori
dhe debitori ekzekutiv, si dhe objekti, lloji, vëllimi dhe koha e përmbushjes së detyrimit.
28.2 Në qoftë se me anë të dokumentit ekzekutiv nuk është caktuar afati për përmbushje vullnetare të
detyrimit, afati i tillë do të caktohet me anë të aktvendimit për përmbarimin.
28.3 Në rastin nga paragrafi 2 i këtij neni, gjykata e cakton përmbarimin e propozuar me kusht që
debitori brenda afatit që i është caktuar për përmbushje vullnetare nuk e përmbushë detyrimin e tij.
28.4 Dispozitat e paragrafit 2 dhe 3 të këtij neni, nuk zbatohen në procedurën përmbarimore në bazë të
dokumentit ekzekutiv të noterit.
Neni 29
Kamatëvonesa
29.1 Në qoftë se pas krijimit të dokumentit ekzekutiv është ndryshuar lartësia e kamatëvonesës,
atëherë gjykata sipas propozimit të kreditorit apo debitorit ekzekutiv, me aktvendimin për
përmbarimin e cakton pagimin e kamatës ndëshkuese sipas shkallës së ndryshuar për kohën me të
cilën ka të bëjë ndryshimi i tillë.
29.2 Po qe se në dokumentin ekzekutiv janë caktuar edhe shpenzimet procedurale, gjykata sipas
propozimit të kreditorit, me aktvendimin për përmbarimin do ta caktojë pagimin e kamatëvonesës , në
shumën e shpenzimeve të caktuara sipas shkallës së parashikuar, nga dita e dhënies së dokumentit
ekzekutiv deri në ditën e pagimit.
12
Neni 30
Dokumenti i besueshëm
30.1 Përmbarimi për realizimin e kërkesës në të holla caktohet edhe në bazë të dokumentit të
besueshëm.
30.2 Sipas këtij ligji, dokument i besueshëm është fatura, kambiali dhe çeku, me potest dhe faturë
kthyese po qe se nevojitet për themelimin e kredisë, dokumenti publik, ekstrakti nga librat afariste për
pagesat e shërbimeve komunale të ujit, energjisë elektrike dhe hedhurinave, dokumenti privat i
verifikuar sipas ligjit.
30.3 Konsiderohet faturë edhe llogaritja e kamatës.
30.4 Dokumenti i besueshëm është i përshtatshëm për përmbarim po qe se në të është treguar
propozuesi i përmbarimit dhe debitori, si dhe objekti, lloji, vëllimi dhe koha e përmbushjes së
detyrimit.
Neni 31
Kërkueshmëria e kredisë
Kur nga dokumenti i besueshëm nuk shihet se a është bërë e kërkueshme kredia, atëherë përmbarimi
caktohet vetëm në qoftë se kreditori paraqet deklaratë me shkrim se kredia e tij është bërë e
kërkueshme duke u treguar edhe dita për një gjë të tillë.
Neni 32
Kalimi i kredisë apo i debisë
32.1 Përmbarimi caktohet edhe sipas propozimit të personit dhe në dobi të tij i cili në dokumentin
ekzekutiv nuk është shënuar si kreditor, po qe se ai me anë të dokumentit publik apo me dokument
privat por të vërtetuar sipas ligjit provon se kredia i është kaluar atij, apo se në ndonjë mënyrë tjetër ka
kaluar në të. Po qe se kalimi ose në ndonjë mënyrë tjetër është bërë kalimi i kredisë nuk mund të
provohet në këtë mënyrë, atëherë një gjë e tillë mund të provohet me anë të vendimit të formës së
prerë të dhënë në procedurën kontestimore.
32.2 Përmbarimi caktohet edhe kundër personit të tretë i cili në dokumentin ekzekutiv nuk përmendet
si debitor, po qe se propozuesi i përmbarimit me anë të dokumentit publik apo privat, por të vërtetuar
sipas ligjit provon se personi i tillë në mënyrë të ligjshme e ka marrë përsipër borxhin (debinë) nga
dokumenti ekzekutiv, apo se ai borxhin e tillë sipas ligjit është i detyruar ta shlyejë. Po qe se detyrimi i
personit të tretë për shlyerjen e borxhit kontestohet, atëherë palët para se të lejohet përmbarimi,
kontestin duhet ta zgjidhin në procedurë kontestimore.
13
Neni 33
Detyrimi i kushtëzuar dhe detyrimi reciprok
33.1 Përmbarimi që varet nga përmbushja paraprake e ndonjë detyrimi nga ana e propozuesit të
përmbarimit, ose nga plotësimi i ndonjë kushti, caktohet në qoftë se propozuesi i përmbarimit me
dokument publik apo privat, por të vërtetuar provon se e ka përmbushur detyrimin e vet, apo se e ka
siguruar përmbushjen e tij, përkatësisht se kushti është plotësuar.
33.2 Përmbushja e detyrimit, respektivisht plotësimi i kushtit provohet me anë të aktgjykimit të formës
së prerë të dhënë në procedurën kontestimore, po qe se propozuesi i përmbarimit nuk ka mundësi që
një gjë të tillë ta provojë në mënyrën e shënuar në paragrafin 1 të këtij neni.
33.3 Në qoftë se debitori sipas dokumentit ekzekutiv është i detyruar që ta përmbushë detyrimin e tij
me kusht që në të njëjtën kohë të përmbushet ndonjë detyrim në dobi të tij, atëherë gjykata do ta caktoj
përmbarimin vetëm po qe se propozuesi i përmbarimit paraqet provë se e ka siguruar përmbushjen e
detyrimit të vet.
33.4 Konsiderohet se propozuesi e ka siguruar mjaftësisht përmbushjen e detyrimit të vet në vështrim
të paragrafit 3 të këtij neni, në qoftë se objektin e detyrimit e ka depozituar të gjykata.
33.5 Propozuesi i përmbarimit që pretendon se e ka përmbushur detyrimin e tij duhet ta provojë një gjë
të tillë sipas mënyrës së parashikuar në paragrafi 1 dhe 2 të këtij neni.
Neni 34
Detyrimi alternativ sipas zgjedhjes së debitorit
34.1 Në qoftë se debitori ekzekutiv sipas dokumentit ekzekutiv ka të drejtë zgjedhjeje midis disa
objekteve të detyrimit të vet, propozuesi i përmbarimit ka për detyrë që në propozimin për përmbarim
ta caktojë objektin me të cilin duhet të përmbushet detyrimi.
34.2 Debitori ekzekutiv ka të drejtë zgjedhjeje deri sa kreditori mos ta pranoj tërësisht apo pjesërisht
objektin që e ka përmendur në propozimin për përmbarim.

Neni 35
Autorizimi alternativ i debitorit ekzekutiv
35.1 Debitori ekzekutiv ndaj të cilit me anë të dokumentit ekzekutiv është shqiptuar detyrimi jo në të
holla, krahas të drejtës së lirimit nga detyrimi i përmbushjes së tij, duke paguar shumën e caktuar në
para të shënuar në dokumentin ekzekutiv, mund ta paguaj shumën e tillë derisa kreditori as pjesërisht
nuk ka filluar ta pranojë objektin e detyrimit.
35.2 Kreditori ka të drejtë që ti paguhen shpenzimet e procedurës së përfunduar e cila është ndaluar
nga shkaku se debitori pas fillimit të saj në vend të detyrimit primar e ka përmbushur prestimin tjetër
të caktuar me dokumentin ekzekutiv.
14
Neni 36
Ndërprerja e procedurës
36.1 Gjykata nuk mund ta ndërprenë procedurën përmbarimore me qëllim që të presë vendimin e
gjykatës kompetente, apo të ndonjë organi tjetër për çështjen paraprake.
36.2 Në rastet tjera të ndërprerjes së procedurës, të parapara me Ligjin për Procedurën Kontestimore,
gjykata mundet po qe se e lejojnë rrethanat e rastit një gjë të tillë, sipas propozimit të palës apo sipas
detyrës zyrtare me e caktua vazhdimin e procedurës duke ia emëruar përfaqësuesin e përkohshëm
palës për të cilën ka të bëjë shkaku nga i cili vjen gjerë të ndërprerja e procedurës.
36.3 Në rast të vdekjes së propozuesit të përmbarimit që nuk ka përfaqësues me prokurë apo
përfaqësues ligjor, secili nga trashëgimtarët apo personat e interesuar mund të propozojë që deri sa të
zgjasë bashkësia trashëgimore, gjykata me shpenzime të propozuesit t’ua emërojë përfaqësuesin e
përkohshëm dhe ta vazhdojë procedurën. Gjykata do ta emërojë përfaqësuesin e përkohshëm brenda
afatit prej 7 ditësh, nga dita e parashtrimit të propozimit. Në rast se propozimi i këtillë i trashëgimtarit,
apo personave të interesuar nuk parashtrohet brenda afatit prej 30 ditësh, nga dita e vdekjes së
propozuesit të përmbarimit, gjykata e pezullon procedurën përmbarimore.
36.4 Në rast të vdekjes së debitorit ekzekutiv që nuk ka përfaqësues ligjor apo me prokurë, gjykata
trashëgimtarëve po qe se propozon kreditori i përmbarimit, brenda afatit prej 15 ditësh nga dita në të
cilën ka marrë njohuri nga gjykata për vdekjen e debitorit, ua emëron përfaqësuesin e përkohshëm në
ngarkim të shpenzimeve të kreditorit, si rregull nga radha e personave që e kanë në posedim pasurinë
që është objekt ekzekutimi dhe ta vazhdojë procedurën. Gjykata e emëron përfaqësuesin e përkohshëm
brenda afatit prej 7 ditësh, nga dita e parashtrimit të kërkesës. Po qe se personat e autorizuar nuk e
propozojnë vazhdimin e procedurës brenda afatit që u është caktuar, gjykata e pezullon procedurën
përmbarimore.
36.5 Shpenzimet definitive të propozuesit të përmbarimit nga paragrafi 4 i këtij neni, realizohen nga
pasuria e debitorit.
36.6 Pas mbarimit të bashkësisë trashëgimore, secili nga trashëgimtarët mund ta marrë përsipër
procedurën duke iu paraqitur gjykatës.
36.7 Për marrjen përsipër të procedurës dhe shkarkimin e përfaqësuesit të përkohshëm, gjykata
vendosë me vendim të dhënë në formë të konkluzionit.
Neni 37
Vërtetimi për përmbarueshmërinë
37.1 Në qoftë se propozimi për përmbarim paraqitet në gjykatën që nuk ka vendosur në shkallë të parë
për kërkesëpadinë, bashkë me propozimin paraqitet edhe dokumenti përmbarimorë, në origjinal apo
kopje të vërtetuar, në të cilën është vënë vërtetimi për përmbarueshmërin.
37.2 Vërtetimin për përmbarueshmërinë e jep gjykata, respektivisht organi shtetëror që ka vendosur
për kërkesën në procedurën e shkallës së parë.
37.3 Përjashtimisht nga dispozitat e paragrafit 1 dhe 2 të këtij neni, dokumenti përmbarimorë i noterit,
në bazë të të cilit është paraqitur propozimi për përmbarim, nuk ka nevojë të jetë i pajisur me
15
vërtetimin për përmbarueshmërinë , por përmbarueshmëria e tij përcaktohet sipas dispozitave të ligjit
për noterinë.
37.4 Vërtetimin për ekzekutushmerinë të dhënë pa qenë të plotësuara kushtet e parapara me ligj e
anulon me aktvendim e njëjta gjykatë, respektivisht i njëjti organ i pushtetit sipas propozimit të
debitorit i cili duhet të parashtrohet brenda afatit prej 7 ditësh, nga dita në të cilën i është dorëzuar
aktvendimi për përmbarimin.
Neni 38
Përmbarimi në bazë të dokumentit të besueshëm/autentik/
Kur propozimi për përmbarim paraqitet në bazë të dokumentit të besueshëm, mjafton që propozimit t’i
bashkëngjitet dokumenti i tillë origjinal apo kopja e tij e vërtetuar.
K R E U III
PROPOZIMI DHE CAKTIMI I PËRMBARIMIT
Neni 39
Propozimi për përmbarim
39.1 Propozimi për përmbarim duhet ta përmbajë kërkesën për përmbarim në të cilën do të tregohet
dokumenti përmbarimorë, apo dokumenti i besueshëm në bazë të cilit kërkohet përmbarimi, kërkuesi i
përmbarimit dhe debitori, kredia që kërkohet të realizohet, si dhe mjeti me anë të të cilit duhet kryer
përmbarimi, objekti i përmbarimit po qe se është i njohur, si dhe të dhënat e tjera që janë të nevojshme
për zbatimin e përmbarimit.
39.2 Po qe se bashkë me propozimin për përmbarim është bërë edhe kërkesa për konstatimin e
pasurisë së debitorit, për rezultatin e konstatimit të tillë gjykata do ta njoftojë propozuesin e
përmbarimit duke i lënë afat që ta rregullojë propozimin e paraqitur, respektivisht që ta ndryshoj apo
plotësoj atë.
Neni 40
Propozimi në bazë të dokumentit të besueshëm
Propozimi për përmbarim në bazë të dokumentit të besueshëm duhet të përmbajë:
a) kërkesën përmbarimore nga paragrafi 1 i nenit 39 të këtij ligji;
16
b) kërkesën që gjykata ta detyrojë debitorin e përmbarimit që brenda afatit prej 7 ditësh, kurse në
kontestet nga raportet ku ekziston kambiali dhe çeku brenda afatit prej 3 ditësh,nga dita në të
cilën i dorëzohet aktvendimi ta përmbushë detyrimin bashkë me shpenzimet e caktuara.
Neni 41
Përmbarimi në sendet e luajtshme
Kur propozohet përmbarimi në sendet e luajtshme, në propozimin për përmbarim nuk ka nevojë që më
për së afërmi të tregohen sendet e tilla.
Neni 42
Konstatimi i pasurisë së debitorit
42.1 Propozuesi i përmbarimit në propozimin e tij që bazohet në dokumentin përmbarimorë mund të
kërkojë nga gjykata që para se ta jep aktvendimin për përmbarimin, të kërkojë nga vet debitori dhe nga
subjektet tjera të cekura në propozim, respektivisht nga organet apo shërbimet administrative ose
institucionet tjera, dhënia e të dhënave për pasurinë e debitorit, po qe se propozuesi e bënë të
besueshëm faktin se subjektet e përmendura mund t’i posedojnë të dhënat e tilla.
42.2 Kërkesën nga paragrafi 1 të këtij neni kërkuesi i përmbarimit mund ta parashtrojë edhe pas
dhënies së aktvendimit për përmbarimin, po qe se përmbarimi nuk ka qenë i suksesshëm me anë të
mjetit dhe objektit paraprak.
42.3 Gjykata, pasi t’i arrijë kërkesa nga paragrafi 1 i këtij neni, me anë të konkluzionit e urdhëron
debitorin apo personin tjetër që në formularin e caktuar nga Këshilli Gjyqësor apo Ministria e
Drejtësisë, t’i tregojë të dhënat e plota që i ka lidhur me pasurinë e luajtshme apo të paluajtshme të
debitorit, e sidomos lidhur me llojin dhe lartësinë e të ardhurave dhe depozitave në para, si dhe vendin
ku ndodhet pasuria e këtillë.
42.4 Formulari i plotësuar dhe nënshkruar duhet t’i dërgohet gjykatës brenda afatit të caktuar nga
gjykata me anë të konkluzionit.
42.5 Personat që nuk veprojnë sipas urdhëresës së gjykatës mund të gjobiten në mënyrën e paraparë në
nenin 20 të këtij ligji. Këto gjoba u shqiptohen edhe personave përgjegjës në personin juridik apo
organin administrativ, shërbimin administrativ dhe në institucionin tjetër.
42.6 Personi fizik apo personi përgjegjës i përmendur në paragrafi 5 të këtij neni, përgjigjet edhe
penalisht për dhënien e deklaratës së rreme, po qe se jep të dhëna jo të plota ose të pasakta lidhur me
pasurinë e debitorit. Për këtë pasojë gjykata duhet ta paralajmërojë subjektin përkatës me anë të
konkluzionit me të cilin nga ai kërkohen të dhënat në fjalë.
42.7 Gjykata mundet në vend se të kërkojë plotësimin e formularit përkatës nga debitori që është
person fizik, apo nga personi fizik tjetër, të kërkojë deklaratën verbale në seancë gjyqësore. Po qe se
17
personi i ftuar nuk vjen në seancë apo refuzon të jep deklaratë verbale, gjykata i zbaton dispozitat e
paragrafit 5 të këtij neni.

Neni 43
Tërheqja dhe kufizimi i propozimit
43.1 Propozimi për përmbarim mundet gjatë zhvillimit të procedurës përmbarimore pa pëlqimin e
debitorit me u tërheqë tërësisht apo pjesërisht nga kërkuesi i ekzekutimit.
43.2 Në rast të tërheqjes së propozimit për përmbarim gjykata e përfundon ekzekutimin në tërësi apo
pjesërisht, varësisht nga ajo se a është tërhequr ai në tërësi apo vetëm pjesërisht.
43.3 Propozimi për përmbarim i tërhequr plotësisht apo pjesërisht mund të paraqitet përsëri në
gjykatën përmbarimore.
Neni 44
Aktvendimi për përmbarimin
44.1 Në aktvendimin për përmbarimin duhet të tregohet dokumenti ekzekutiv, respektivisht dokumenti
i besueshëm në bazë të të cilit caktohet përmbarimi, propozuesi i përmbarimit dhe debitori, kredia që
duhet të realizohet, mjeti dhe objekti i përmbarimit, si dhe të dhënat tjera të nevojshme për zbatimin e
përmbarimit.
44.2 Në qoftë se me anë të aktvendimit është caktuar pagimi i kamatave, atëherë llogaritjen e tyre me
shpenzime të propozuesit të përmbarimit, e bënë gjykata përmbarimore, përpos kur realizimi i
kamatave duhet të bëhet nga paratë e depozituara në llogarinë bankare. Në rast të këtillë llogaritjen e
bënë banka me shpenzime të debitorit.
Neni 45
Aktvendimi në bazë të dokumentit të besueshëm
Me aktvendimin për përmbarimin në bazë të dokumentit të besueshëm gjykata :
a) e detyron debitorin ekzekutiv që brenda afatit prej 7 ditësh, kurse në kontestet që lidhen me
kambialin dhe çekun brenda afatit prej 3 ditësh, nga dita e dorëzimit të aktvendimit ta shlyejë
borxhin bashkë me shpenzimet procedurale të caktuara në të;
b) e cakton përmbarimin për realizimin e kërkesave nga pika 1 e këtij neni.
18
Neni 46
Pjesët përbërëse të aktvendimit për përmbarimin
46.1 Aktvendimi për përmbarimin nuk duhet ta ketë domosdo pjesën arsyetuese. Ky aktvendim mund
të nxjerrët edhe duke u vënë vula katrore në propozimin për përmbarim.
46.2 Aktvendimi për përmbarimin duhet ta përmbajë udhëzimin për mjetin e goditjes të cilin palët
kanë të drejtë ta përdorin kundër tij.
46.3 Aktvendimi me të cilin propozimi për përmbarim tërësisht ose pjesërisht refuzohet apo hedhet
poshtë, domosdo duhet ta ketë arsyetimin.
Neni 47
Dorëzimi i aktvendimit për përmbarim
47.1 Aktvendimi për përmbarimin i dërgohet propozuesit të përmbarimit dhe debitorit të përmbarimit.
Aktvendimi me të cilin hedhet poshtë apo refuzohet propozimi për përmbarim i dërgohet vetëm
propozuesit të përmbarimit.
47.2 Në qoftë se propozuesi i përmbarimit për realizimin e kredisë së tij e propozon përmbarimin për
pasurinë në të cilën debitori e ka të drejtën e bashkëpronësisë ose të pronësisë së përbashkët, gjykata
për aktvendimin e dhënë i njofton të gjithë bashkëpronarët, respektivisht titullarët e së drejtës së
pronësisë së përbashkët.
47.3 Aktvendimi për përmbarimin mbi kredinë në të holla të debitorit i dërgohet edhe debitorit të
debitorit, kurse aktvendimi për përmbarimin për mjetet në llogarinë rrjedhëse të debitorit i dërgohet
edhe bankës.
47.4 Aktvendimi për përmbarimin i dhënë në bazë të dokumentit të besueshëm i dërgohet bankës pasi
të bëhet i formës së prerë, përveçse kur përmbarimi është caktuar në bazë të kambialit dhe çekut me
protestë dhe faturë kthyese, po qe se janë të nevojshme për themelimin e kredisë.
47.5 Aktvendimi për përmbarimin i dhënë në bazë të kambialit dhe çekut u dërgohet palëve menjëherë
pas nxjerrjes, me qëllim të sekuestrimit të mjeteve në llogarinë rrjedhëse të debitorit ekzekutiv.
47.6 Aktvendimi për përmbarimin për sendet e luajtshme i dorëzohet debitorit me rastin e kryerjes së
veprimit të parë përmbarimorë. Po qe se sendi i luajtshëm nuk ndodhet në posedimin e debitorit,
atëherë aktvendimi i dorëzohet edhe personit të i cili ndodhet sendi i tillë.
K R E U IV
ZBATIMI I PËRMBARIMIT
19
Neni 48
Përmbarimi në bazë të aktvendimit të formës jo të prerë
48.1 Përmbarimi zbatohet edhe para se të bëhet i formës së prerë aktvendimi për përmbarimin, në
qoftë se për veprimet e caktuara përmbarimore nuk është paraparë diçka tjetër.
48.2 Përmbarimi i caktuar në bazë të dokumentit të besueshëm nuk mund të kryhet para se të ketë
marrë formë të prerë aktvendimi për përmbarimin.
Neni 49
Kufijtë e përmbarimit
Përmbarimi kryhet brenda kufijve të caktuar në aktvendimin për përmbarimin.
Neni 50
Koha e përmbarimit
50.1 Përmbarimi kryhet në ditët në të cilat punohet dhe atë gjatë ditës në kohën midis orës 07 - 20.
50.2 Gjykata mund të vendosë me anë të konkluzionit që përmbarimi të bëhet në ditët kur nuk punohet
apo gjatë natës, vetëm kur për një gjë të tillë ekzistojnë shkaqe të justifikueshme.
Neni 51
Veprimet e personit zyrtar të gjykatës
51.1 Personi zyrtar ka për detyrë që me rastin e bastisjes së banesës dhe lokaleve tjera të debitorit apo
të kontrollimit personalisht të tij, por edhe me rastin e kryerjes së veprimeve të tjera, që të veprojë me
respektin e duhur të personalitetit të debitorit dhe të anëtarëve të familjes së tij.
51.2 Me rastin e kryerjes së veprimeve përmbarimore në banesën e debitorit, në të cilën nuk është i
pranishëm debitori, përfaqësuesi ligjor apo me prokurë i tij, apo personi i moshës madhore i familjes
së tij, domosdo duhet të jenë të pranishëm së paku dy qytetar të moshës madhore.
51.3 Përmbarimi në lokalin afarist apo në lokalin tjetër të personit juridik bëhet gjatë orarit të punës
dhe në prani të personit të cilin e cakton organi kompetent i personit juridik, e kur ky i fundit nuk e
cakton personin e tillë, veprimet përmbarimore kryhen pa praninë e askujt.
51.4 Kur veprimi përmbarimorë duhet të kryhet në lokalin që është i mbyllur, kurse debitori nuk është
i pranishëm ose nuk pajtohet që ta hapë lokalin vet, atëherë personi zyrtar do ta hapë lokalin në
praninë e një qytetari të moshës madhore dhe policisë.
20
51.5 Gjatë kryerjes së veprimeve përmbarimore sipas dispozitave të paragrafit l, 2 3 dhe 4 të këtij neni,
personi zyrtar i gjykatës duhet të përpilojë procesverbal të posaçëm të cilin do ta në nënshkruajnë
qytetarët e pranishëm, kurse një kopje e tij ose njoftimi për veprimin përmbarimor të kryer, do të
afishohet në derën e banesës apo të lokalit afarist.
Neni 52
Parregullsitë me rastin e kryerjes së përmbarimit
52.1 Pala ose pjesëmarrësi tjetër i procedurës mund të kërkojë nga gjykata me anë të parashtresës që
t’i heqë parregullsitë e bëra nga personi zyrtar i gjykatës gjatë kryerjes së veprimeve përmbarimore.
52.2 Sipas kërkesës nga paragrafi 1 i këtij neni, po qe se parashtruesi e ka propozuar këtë, gjykata
nxjerrë aktvendim brenda 3 ditësh nga dita e dorëzimit të parashtresës.
Neni 53
Pengimi i personit zyrtar të gjykatës në punën e tij
53.1 Personi zyrtar i gjykatës është i autorizuar ta largoj personin nga vendi në të cilin kryhen
veprimet e përmbarimore, po qe se ai e pengon kryerjen e tyre.
53.2 Me rastin e kryerjes së veprimeve të dhunshme të parapara me këtë ligj, dhuna dhe forca e
përdorur duhet të jenë në proporcion me rrethanat e rastit konkret.
53.3 Gjatë procedurës së përmbarimit organet e policisë kanë për detyrë që personit zyrtar të gjykatës
t’i japin ndihmën e duhur për kryerjen e veprimeve të përmbarimit. Personi zyrtar i gjykatës, në rast
nevoje mund ta urdhërojë marrjen e masave përkatëse ndaj personit që e pengon kryerjen e veprimeve
të përmbarimit.
53.4 Me rastin e veprimit të organeve të policisë sipas urdhrit të personit zyrtar të gjykatës, në mënyrë
të përshtatur aplikohen dispozitat e ligjit për punët e brendshme respektivisht të policisë gjyqësore.
53.5 Në rast se policia nuk i zbaton urdhrat e personit zyrtar të gjykatës për dhënien e ndihmës gjatë
kryerjes së përmbarimit, gjykata ka për detyrë që menjëherë ta njoftojë për një gjë të tillë organin
kompetent.
K R E U V
MJETET E GODITJES SË VENDIMEVE
1. P R A P Ë S I M I
21
Neni 54
Objekti i goditjes me anë të prapësimit
54.1 Me anë të prapësimit mund të goditet vetëm aktvendimi për përmbarimin me të cilin pranohet
propozimi për përmbarim.
54.2 Lidhur me përmbajtjen e prapësimit në mënyrë të përshtatur aplikohen dispozitat për ankesën, të
Ligjit për Procedurën Kontestimore.
54.3 Aktvendimin me të cilin është hedhur poshtë apo është refuzuar propozimi për përmbarim,
propozuesi i përmbarimit mund ta godas vetëm me anë të ankesës.
Neni 55
Shkaqet e prapësimit
Prapësimi kundër aktvendimit për përmbarimin mund të paraqitet nga shkaqet që e pengojnë
përmbarimin e lejuar nga gjykata, e sidomos në qoftë se:
a) dokumenti në bazë të të cilit është dhënë aktvendimi për përmbarimin nuk është titull
ekzekutiv, ose në qoftë se ai nuk e ka marrë cilësinë e përmbarueshmërisë;
b) dokumenti ekzekutiv në bazë të të cilit është dhënë aktvendimi për përmbarimin është prishur,
anuluar, ndryshuar apo në ndonjë mënyrë tjetër është hequr nga fuqia, respektivisht në qoftë se
në mënyrë tjetër e ka humbur efektin e vet ose është konstatuar se është pa efekt juridik;
c) palët me anë të dokumentit publik apo dokumentit të verifikuar sipas ligjit të hartuar pas
krijimit të dokumentit ekzekutiv, janë marrë vesh që mos të kërkohet për kohë të kufizuar apo
përgjithmonë përmbarimi në bazë të dokumentit ekzekutiv;
d) ka skaduar afati brenda të cilit sipas ligjit mund të kërkohet përmbarimi;
e) përmbarimi është caktuar për sendet që janë përjashtuar nga përmbarimi i dhunshëm,
respektivisht në të cilat mundësia e përmbarimit është e kufizuar;
f) propozuesi i përmbarimit nuk është i autorizuar të kërkojë përmbarimin në bazë të dokumentit
ekzekutiv, respektivisht po qe se nuk është i autorizuar ta kërkojë ekzekutimin kundër
debitorit;
g) nuk është plotësuar kushti që është përcaktuar me anë të dokumentit ekzekutiv, përveçse kur
me ligj është paraparë ndryshe;
h) është shuar kredia në bazë të faktit të lindur në kohën kur debitori nuk ka mundur më ta
parashtrojë faktin e tillë në procedurën nga e cila rrjedhë vendimi, respektivisht në qoftë se
kredia është shuar në bazë të faktit të krijuar pas lidhjes së ujdisë në gjykatë apo në organin
administrativ;
i) në bazë të faktit të krijuar në kohën kur debitori nuk ka mundur më ta parashtroj në procedurën
nga e cila rrjedhë vendimi, respektivisht në qoftë se në bazë të faktit të krijuar pas lidhjes së
22
ujdisë gjyqësore apo administrative, për kohë të caktuar ose përgjithmonë përmbushja e kredisë
është shtyrë, ndaluar, ndryshuar apo pamundësuar në ndonjë mënyrë tjetër;
j) është bërë parashkrimi i kredisë për të cilën është vendosë me anë të dokumentit ekzekutiv në
bazë të të cilit është dhënë aktvendimi për përmbarimin.

Neni 56
Përgjigjja lidhur me prapësimin
56.1 Prapësimin kundër aktvendimit për përmbarimin gjykata ia dërgon palës kundërshtare.
56.2 Përgjigjja lidhur me prapësimin mund të paraqitet brenda afatit prej 3 ditësh, nga dita e dorëzimit
të prapësimit.
56.3 Pasi të arrijë përgjigjja lidhur me prapësimin, apo pasi të kalojë afati për përgjigje, gjykata
varësisht nga rrethanat e rastit, do ta nxjerrë aktvendimin pa caktuar seancë gjyqësore, ose atë do ta
nxjerrë në seancën gjyqësore të caktuar për shqyrtimin e tij.
Neni 57
Vendosja sipas prapësimit
57.1 Aktvendimin për prapësimin e nxjerrë gjykatësi i vetëm.
57.2 Me anë të aktvendimit, prapësimi pranohet, refuzohet, apo hedhet poshtë si i pas kohëshëm, si jo i
plotë, apo si i palejueshëm.
57.3 Në qoftë se e aprovon prapësimin, gjykata varësisht nga rrethanat e rastit, e përfundon
përmbarimin në tërësi, ose pjesërisht dhe i anulon veprimet e kryera.
Neni 58
Prapësimi kundër aktvendimit të bazuar në dokumentin e besueshëm
58.1 Debitori me anë të prapësimit kundër aktvendimit për përmbarimin të nxjerrë në bazë të
dokumentit të besueshëm, e cakton pjesën në të cilën e godet këtë aktvendim. Prapësimi i debitorit
duhet të jetë i arsyetuar.
58.2 Në qoftë se me anë të prapësimit nuk është treguar pjesa që goditet e aktvendimit për
përmbarimin, atëherë vëllimi i goditjes caktohet në bazë të pjesës arsyetuese të prapësimit të paraqitur.
58.3 Prapësimi që nuk e ka pjesën arsyetuese hedhet poshtë me aktvendim.
23
58.4 Në qoftë se aktvendimi për përmbarimin goditet në tërësi apo vetëm në pjesën me të cilën është
vërtetuar ekzistimi i kredisë, atëherë propozimi për përmbarim i paraqitur nga kreditori do të
konsiderohet se është padi e tij dhe në rast të këtillë gjykata do të veproj më tutje sipas dispozitave të
procedurës kontestimore.
58.5 Kur është paraqitur prapësimi nga paragrafi 4 i këtij neni, gjykata e shtyn procedurën e
përmbarimit dhe vazhdimi i saj bëhet në bazë të kërkesës së propozuesit të ekzekutimit, pasi të bëhet i
formës së prerë vendimi i gjykatës me të cilin pranohet padia në procedurën kontestimore.
58.6 Po qe se gjykata e shkallës së parë e refuzon kërkesëpadinë dhe e anulon aktvendimin në pjesën e
goditur me anë të prapësimit, atëherë ajo do ta urdhërojë edhe pezullimin e procedurës së
përmbarimit. Pasi të bëhet i formës së prerë ky vendim i dhënë në procedurë kontestimore, gjykata e
përmbarimit me anë të aktvendimit do të konstatojë se është pezulluar procedura përmbarimore dhe do
t’i anuloj veprimet e kryera.
58.7 Në qoftë se aktvendimi për përmbarimin goditet vetëm në pjesën me të cilën është lejuar
përmbarimi, procedura e mëtejme vazhdohet si procedurë lidhur me prapësimin kundër aktvendimit
për përmbarimin të dhënë në bazë të dokumentit të ekzekutiv.
58.8 Në qoftë se prapësimi nga paragrafi 7 i këtij neni aprovohet nga gjykata, atëherë pjesa e
aktvendimit me të cilin është urdhëruar debitori që ta përmbushë detyrimin e ka cilësinë e dokumentit
ekzekutiv, në bazë të të cilit përsëri mund të propozohet përmbarimi i detyrueshëm.
2. P R A P Ë S I M I I P E R S O N I T T Ë T R E T Ë
Neni 59
Prezumimet për paraqitjen e prapësimit
59.1 Personi që pretendon se lidhur me objektin e përmbarimit i takon një e drejtë që e pengon
përmbarimin, mund ta paraqesë prapësimin kundër përmbarimit, me kërkesë që përmbarimi për
objektin e përmbarimit të shpallet i palejueshëm në pjesën me të cilën është përfshire e drejta e tij.
59.2 Prapësimi mund të paraqitet deri në përfundimin e procedurës përmbarimore. Prapësimi i
paraqitur nga personi i tretë nuk e pengon kryerjen e përmbarimit dhe realizimin e kredisë së
propozuesit të përmbarimit, përveçse kur me këtë ligj është thënë ndryshe.
59.3 Prapësimin e personit të tretë gjykata ia dërgon propozuesit të përmbarimit dhe debitorit, me
kërkesë që brenda afatit prej 7 ditësh të deklarohen lidhur me të.
24
Neni 60
Vendimet e gjykatës lidhur me prapësimin e personit të tretë
60.1 Për prapësimin e personit të tretë gjykata do të vendosë në procedurën përmbarimore, ose
parashtruesin e prapësimit me anë të konkluzionit, do ta udhëzojë që të drejtën e pretenduar ta
realizojë me anë të padisë në procedurë kontestimore.
60.2 Gjykata përmbarimore do të vendos për prapësimin e personit të tretë në vetë procedurën e
përmbarimit sa herë që një gjë të tillë e lejojnë rrethanat e rastit konkret, e sidomos kur parashtruesi i
prapësimit e provon themelësinë e prapësimit të tij me anë të aktgjykimit të formës së prerë, me anë të
dokumentit publik, ose me anë të dokumentit jopublik të verifikuar sipas ligjit.
Neni 61
Udhëzimi për në procedurë kontestimore
61.1 Udhëzimi për fillimin e procedurës kontestimore nga paragrafi 1 i nenit 60 të këtij ligji, nuk e
pengon kryerjen e përmbarimit, e as realizimin e kredisë së propozuesit të përmbarimit.
61.2 Në procedurën kontestimore nga neni 60 paragrafi 1 të këtij ligji, parashtruesi i prapësimit nga
neni 59 i këtij ligji mund të kërkojë shtyrjen e përmbarimit, me ç’rast gjykata kontestimore në mënyrë
të përshtatur i aplikon dispozitat e procedurës kontestimore për caktimin e masave siguruese
gjyqësore.
61.3 Në qoftë se merr vendim për shtyrjen e përmbarimit, gjykata kontestimore do ta caktojë edhe
kohën për të cilën shtyhet ai. Vendimin e këtillë gjykata kontestimore ia dërgon sipas detyrës zyrtare
gjykatës përmbarimore për zbatim.
61.4 Gjykata përmbarimore, pasi t’i arrijë vendimi i përmendur në paragrafin 3 të këtij neni, me anë të
konkluzionit e shtyn përmbarimin e mëtejmë dhe e vazhdon këtë sipas kërkesës së propozuesit të
përmbarimit, pasi të bëhet i formës së prerë vendimi i gjykatës kontestimore me të cilin shfuqizohet
aktvendimi për shtyrjen e përmbarimit apo hedhet poshtë padia e parashtruesit të prapësimit,
respektivisht refuzohet kërkesëpadia e tij. Veprimet përmbarimore të kryera mbeten të vlefshme deri
në momentin e vazhdimit të procedurës përmbarimore.
61.5 Po qe se gjykata kontestimore e shkallës së parë e aprovon kërkesëpadinë e personit të tretë që
përmbarimi të shpallet i palejueshëm dhe të anulohet aktvendimi për përmbarimin, ajo njëherit do ta
urdhërojë edhe përfundimin e procedurës ekzekutive.Pasi të bëhet i formës së prerë aktgjykimi i tillë i
gjykatës kontestimore, gjykata e ekzekutimit me aktvendim të saj do të konstatoj se procedura e
përmbarimit është ndaluar dhe me të do t’i anuloj të gjitha veprimet ekzekutive që i ka kryer më parë.
61.6 Me anë të vendimit për prapësimin e personit të tretë të dhënë nga gjykata e ekzekutimit në bazë
të paragrafit 2 të nenit 60 të këtij ligji nuk preket në të drejtat e personit të tillë që edhe pas dhënies së
vendimit t’i realizojë të drejtat e tija ndaj propozuesit të përmbarimit, respektivisht ndaj debitorit në
procedurë kontestimore të filluar posaçërisht me anë të padisë.
61.7 Personi i tretë mund t’i shfrytëzoj të drejtat e parapara në paragrafin 2 të këtij neni, vetëm po qe
se procesi kontestimor me qëllim të realizimit të të drejtave të tija kundër propozuesit të përmbarimit,
25
respektivisht kundër debitorit është filluar në bazë të konkluzionit për udhëzimin për në procedurë
kontestimore nga paragrafi 1 i nenit 60 të këtij ligji.
K R E U I VI
PROCEDURA E KUNDËR PËRMBARIMIT
Neni 62
Shkaqet për kundërpërmbarim
62.1 Debitori ka të drejtë që në të njëjtën procedurë përmbarimore, bile edhe pasi të ketë përfunduar
përmbarimi, të kërkojë nga gjykata nxjerrjen e aktvendimit me të cilin i urdhërohet propozuesit të
përmbarimit që t’ia kthejë atë që e ka marrë në bazë të procedurës së përmbarimit, në qoftë se :
a) dokumenti ekzekutiv me anë të vendimit të formës së prerë është prishur, ndryshuar, anuluar,
shfuqizuar, ose në ndonjë mënyrë tjetër është konstatuar se është i pa efekt juridik;
b) aktvendimi për përmbarimin me anë të vendimit të formës së prerë është anuluar apo
ndryshuar;
c) gjatë zhvillimit të procedurës së përmbarimit, por jashtë gjykate debitori i’a ka përmbushur
detyrimin propozuesit të përmbarimit, e me një gjë të tillë propozuesi i ekzekutimit e ka
realizuar dy herë të njëjtën kredi.
62.2 Në qoftë se propozuesi i përmbarimit me anë të përmbarimit e ka realizuar një shumë të hollash,
debitori në propozimin për kundërpërmbarim mund të kërkojë pagimin e kamatëvonesës që nga dita e
pagimit të shumës së tillë.
62.3 Propozimi për kundërpërmbarim nga paragrafi 1 i këtij neni mund të paraqitet brenda afatit prej
15 ditësh, nga dita në të cilën debitori ka marrë dijeni për shkakun e kundërpërmbarimit.
62.4 Para skadimit të afatit nga paragrafi 3 i këtij neni, debitori nuk mund ta realizojë kërkesën e vetë
në procedurën kontestimore..
Neni 63
Procedura sipas propozimit për kundërpërmbarim
63.1 Propozimin për kundërpërmbarim gjykata ia dërgon propozuesit të përmbarimit dhe kërkon nga
ai që brenda afatit prej 3 ditësh nga dita e dorëzimit të deklarohet lidhur me propozimin e tillë.
26
63.2 Po qe se brenda afatit nga paragrafi 1 i këtij neni, propozuesi i përmbarimit e kundërshton
propozimin për kundërpërmbarim, atëherë gjykata për të vendosë pas mbajtjes së seancës gjyqësore.
63.3 Me aktvendimin me të cilin miratohet propozimi për kundërpërmbarim gjykata e urdhëron
propozuesin e përmbarimit që brenda afatit prej 7 ditësh t’ia kthejë debitorit, respektivisht personit të
tretë atë që e ka marrë me anë të përmbarimit.
63.4 Aktvendim të këtillë gjykata nxjerrë edhe po qe se propozuesi i përmbarimit nuk deklarohet fare
brenda afatit të caktuar, ose kur deklaron se nuk e kundërshton propozimin për kundërpërmbarim.
Neni 64
Aktvendimi për kundërpërmbarimin
64.1 Në bazë të aktvendimit të formës së prerë me të cilin aprovohet propozimi për kundërpërmbarim,
gjykata sipas propozimit të debitorit do të caktojë me anë të aktvendimit të posaçëm procedurën e
kundërpërmbarimit.
64.2 Në procedurën e mëtejme të kundërpërmbarimit në mënyrë të përshtatur do të zbatohen dispozitat
e këtij ligji sipas të cilave kryhet përmbarimi.
Neni 65
Pamundësia e kundërpërmbarimit
Propozimi për kundërpërmbarim nuk do të pranohet po qe se me të kërkohet kthimi i sendit lidhur me
të cilin kanë ndodhur ndryshime të atilla materiale apo juridike të cilat e bëjnë të pamundur kthimin e
tij.

Neni 66
Kundërpërmbarimi sipas propozimit të personit të tretë
66.1 Personi nga pasuria e të cilit është realizuar kredia e propozuesit të përmbarimit, e i cili nuk ka
qenë i cilësuar si debitor në aktvendimin për përmbarimin, ka të drejtë që brenda afateve të
përmendura në këtë pjesë të ligjit, të kërkojë nga gjykata që ta urdhërojë propozuesin e përmbarimit që
t’ia kthejë gjithë atë që i është dhënë me anë të përmbarimit të përfunduar.
66.2 Në bazë të propozimit të personit të tretë nga paragrafët e sipërme të këtij neni zhvillohet
procedura e kundërpërmbarimit sipas dispozitave të kreut të 6 të këtij ligji.
66.3 Në këtë procedurë të kundërpërmbarimit propozuesi quhet propozues i përmbarimit, kurse
kundërshtari i propozuesit quhet debitor.
27
Neni 67
Kundërpërmbarimi sipas propozimit të pjesëmarrësit në përmbarim
67.1 Pjesëmarrësi në procedurën përmbarimore ka të drejtë që brenda afateve të përmendura në këtë
pjesë të ligjit, pasi të ndryshohet me anë të vendimit të formës së prerë aktvendimi për përmbarimin të
kërkojë nga gjykata që ta urdhërojë personin të cilit i është paguar shuma e caktuar e të hollave, që
shuma e tillë t’i kthehet atij.
67.2 Në bazë të propozimit nga paragrafi 1 i këtij neni, zbatohet procedura e kundërekzekutimit sipas
dispozitave të kreut të gjashtë të këtij ligji.
67.3 Në procedurën e kundërpërmbarimit të këtillë propozuesi quhet kreditor ekzekutiv, kurse
kundërshtari i propozuesit quhet debitor ekzekutiv.
K R E U VII
SHTYERJA, PEZULLIMI DHE PËRFUNDIMI I PËRMBARIMIT
Neni 68
Shtyrja e përmbarimit sipas kërkesës së kreditorit
68.1 Po qe se me ligj nuk është paraparë ndryshe, përmbarimi mund të shtyhet pjesërisht apo tërësisht
vetëm sipas kërkesës së propozuesit të përmbarimit, por vetëm në qoftë se ende nuk ka filluar të
zbatohet aktvendimi për përmbarimin. Po qe se në procedurën e përmbarimit marrin pjesë më tepër
propozues të përmbarimit e vetëm ndonjëri nga ta e kërkon shtyrjen, atëherë gjykata e shtyn
përmbarimin vetëm për aq sa i përket propozuesit të tillë të përmbarimit.
68.2 Po qe se zbatimi i përmbarimit ka filluar, kurse debitori brenda afatit të caktuar nga gjykata është
deklaruar kundër shtyrjes, atëherë gjykata do të vendosë për arsyeshmërinë e kërkesës për shtyrje.
68.3 Në qoftë se me ligj është paraparë se përmbarimi mund të propozohet vetëm brenda afatit të
caktuar, atëherë propozuesi i përmbarimit mund të paraqesë kërkesën për shtyrje të përmbarimit vetëm
brenda afatit të tillë.
Neni 69
Koha për të cilën shtyhet përmbarimi
69.1 Gjykata e shtyn përmbarimin për kohën që e ka caktuar propozuesi i ekzekutimit, apo për kohën
të cilën e quan të arsyeshme duke i marrë parasysh rrethanat e rastit konkret.
69.2 Në qoftë se me ligj është paraparë afati brenda të cilit mund të propozohet ekzekutimi, atëherë
shtyrja e tij nuk mund të bëhet tej afatit të tillë.
28
Neni 70
Vazhdimi i procedurës së shtyre
Përmbarimi i shtyre vazhdohet sipas kërkesës së propozuesit të përmbarimit edhe para se të skadojë
koha për të cilën është shtyer. Po qe se propozuesi i përmbarimit nuk e kërkon vazhdimin e procedurës
as pas 15 ditësh, nga dita e skadimit të afatit për të cilin është shtyre përmbarimi, atëherë gjykata do ta
përfundojë procedurën e ekzekutimit të shtyre me aktvendim me të cilin supozohet se është tërheq
propozimi për përmbarim.
Neni 71
Përfundimii i procedurës përmbarimore
71.1 Në qoftë se me këtë ligj nuk është paraparë ndryshe, përmbarimi do të përfundimi sipas detyrës
zyrtare në qoftë se dokumenti ekzekutiv është prishur, anuluar, ndryshuar, shfuqizuar apo në ndonjë
mënyrë tjetër është quajtur i pa efekt, respektivisht në qoftë se vërtetimi për përmbarueshmërinë e tij
anulohet me vendim të formës së prerë.
71.2 Përmbarimi do të përfundohet sipas detyrës zyrtare edhe kur në pajtim me dispozitat ligjore me të
cilat rregullohen marrëdhëniet detyrimore, personi i tretë e përmbushë obligimin në dobi të
propozuesit të përmbarimit në vend të debitorit.
71.3 Përmbarimi do të përfundohet edhe kur ai është bërë i pamundshëm, apo kur nga shkaqe të tjera
nuk mund të zbatohet.
Neni 72
Aktvendimi për përfundimin e përmbarimit
72.1 Para se të nxjerrët aktvendimi për pezullimin e përmbarimit të paraparë në paragrafin 3 të nenit
71 të këtij ligji, gjykata do ta thërras propozuesin e përmbarimit që ta paraqesë propozimin nga neni 7
paragrafi 3 të këtij ligji, brenda afatit prej 15 ditësh nga dita në të cilën i dorëzohet thirrja.
Aktvendimin për pezullimin e përmbarimit gjykata e jep në qoftë se propozimi nuk paraqitet brenda
afatit apo në qoftë se propozimi është i pathemeltë.
72.2 Përmbarimi për sendet e caktuara pezullohet sipas propozimit të debitorit në qoftë se gjykata
konstaton se pas skadimit të afatit për paraqitjen e prapësimit, me anë të përmbarimit janë përfshire
sendet që nuk janë caktuar me anë të aktvendimit për ekzekutimin, e ato janë të përjashtuara nga
mundësia e përfshirjes me përmbarim, apo mundësia e përfshirjes me përmbarim është e kufizuar.
72.3 Afati për paraqitjen e propozimit nga shkaku i paragrafit 2 të këtij neni është shtatë ditorë dhe
fillon të ecë nga dita në të cilën debitori ka marrë dijeni se me përmbarim është përfshire sendi që
është i përjashtuar nga përmbarimi, respektivisht sendi në të cilin mundësia e përmbarimit është e
kufizuar. Pas kalimit të afatit prej 3o ditësh nga dita e kryerjes së veprimeve me të cilat janë përfshire
sendet nga paragrafi 2 i këtij neni, propozimi nga paragrafi në fjalë nuk mund të parashtrohet.
29
72.4 Me anë të aktvendimit me të cilin gjykata e pezullon përmbarimin anulohen veprimet
përmbarimore të kryera, po qe se me një gjë të tillë nuk preken të drejtat e fituara nga personat e tretë.
Neni 73
Marrja fund e përmbarimit
Procedura e përmbarimit quhet e përfunduar në momentin kur bëhet i formës së prerë vendimi me të
cilin hedhet poshtë apo refuzohet propozimi për përmbarimin, në momentin kur kryhet veprimi
ekzekutiv me të cilin përfundon përmbarimi, apo në momentin kur ndalohet përmbarimi.
P J E S A E T R E T Ë
MJETET DHE OBJEKTI I PËRMBARIMIT
K R E U VIII
PËRMBARIMI PËR REALIZIMIN E KREDISË NË TË HOLLA
Neni 74
Radha e realizimit të kredive kur janë shumë kreditor
Në qoftë se janë disa propozues të përmbarimit që duhet t’i realizojnë kreditë e tyre nga i njëjti debitor
dhe nga i njëjti objekt përmbarimi, atëherë ata i realizojnë ato sipas radhës me të cilën e kanë fituar të
drejtën që nga objekti i tillë ta realizojnë kredinë, përveçse kur me ligj parashihet ndryshe.
Neni 75
Shtrirja e përmbarimit në rast kredish në të holla
Përmbarimi për realizimin e kredive në të holla caktohet dhe zbatohet në vëllimin që është i
domosdoshëm për realizimin e kërkesave të këtilla.
K R E U IX
PËRMBARIMI PËR SENDET E LUAJTSHME
30
Neni 76
Kompetenca territoriale
76.1 Për të vendosur mbi propozimin për përmbarim për sendet e luajtshme, si dhe për kryerjen e
përmbarimit të tillë, kompetente në pikëpamje territoriale është gjykata në territorin e së cilës ndodhen
ato sipas thënieve në propozimin për përmbarim.
76.2 Dispozitat e paragrafit 1 të këtij neni, zbatohen në mënyrë të përshtatur edhe në rastet në të cilat
përmbarimi fillohet sipas detyrës zyrtare.
76.3 Propozuesi i përmbarimit mund të kërkojë që gjykata të nxjerrë aktvendimin për përmbarimin për
sendet e luajtshme, duke mos e përmendur vendin e ndodhjes së tyre
76.4 Për vendosje për propozimin nga paragrafi 3 i këtij neni, e kompetencës territoriale është gjykata
në territorin e së cilës ndodhet vendbanimi i debitorit, e nëse nuk ka vendbanim në Kosovë, atëherë në
territorin e së cilës ndodhet vendqëndrimi i tij, kur kemi të bëjmë me personin fizik. Kur debitori është
person juridik e kompetencës territoriale është gjykata në territorin e së cilës ai e ka selinë e tij.
76.5 Në rastin nga paragrafi 3 i këtij neni, propozuesi i përmbarimit aktvendimin për ekzekutimin
mund t’ia parashtrojë secilës gjykatë me kompetencë lëndore në territorin e së cilës ndodhen sendet e
luajtshme të debitorit, me propozim që kjo gjykatë ta zbatojë përmbarimin.
Neni 77
Dërgimi i aktvendimit për përmbarimin për përmbarim
Në qoftë se gjykata e ka caktuar përmbarimin për sendet e luajtshme që ndodhen në territorin e saj dhe
të gjykatës tjetër, atëherë pas kryerjes së përmbarimit për sendet e luajtshme në territorin e saj,
aktvendimin për përmbarimin do t’ia dërgojë gjykatës tjetër për përmbarim të mëtejmë deri në
realizimin e plotë të kredisë së propozuesit të përmbarimit.
Neni 78
Përjashtimi nga përmbarimi
78.1 Nuk mund të bëhen objekt përmbarimi :
a) sendet që janë domosdo të nevojshme për debitorin dhe anëtarët e familjes së tij për plotësimin
e nevojave të përditshme;
b) ushqimi dhe lëndët djegëse për ngrohje për tre muaj për nevoja të debitorit dhe të anëtarëve të
familjes së tij
c) parat e gatshme të debitorit që ka të ardhura mujore të përhershme deri në shumën mujore e
cila sipas ligjit është e përjashtuar nga përmbarimi;
31
d) medaljet, përkujtimoret e luftës dhe dekoratat e tjera, unazat e fejesës, dorëshkrimet,
dokumentet personale dhe familjare, fotografitë dhe portretet familjare;
e) dërgesat postare në të holla para se t’i jetë dorëzuar debitorit.
78.2 Dispozitat e paragrafit 1 të këtij neni nuk kanë të bëjnë me përmbarimin për realizimin e kredisë
në të holla të siguruar me kontratën për pengun në sendet e luajtshme.
Neni 79
Veprimet ekzekutive
79.1 Përmbarimi për sendet e luajtshme bëhet me anë të sekuestrimit, vlerësimit dhe regjistrimit të
tyre, si dhe me shitjen e sendeve të këtilla. Nga shumat e fituara me anë të shitjes përmbushet kredia e
propozuesit të përmbarimit.
79.2 Me anë të propozimit për përmbarim mund të kërkohet vetëm kryerja e sekuestrimit dhe
vlerësimit të sendeve të luajtshme, por në rast të këtillë propozuesi i ekzekutimit ka të drejtë që ta
parashtroj kërkesën për shitjen e tyre vetëm brenda afatit prej 3 muajve nga dita e sekuestrimit dhe
vlerësimit të kryer.
79.3 Po qe se propozuesi i përmbarimit nuk e parashtron kërkesën për shitjen e sendeve të sekuestruara
brenda afatit nga paragrafi 2 i këtij neni,, përmbarimi pezullohet.

Neni 80
Njoftimi për sekuestrimin
80.1 Personi zyrtar i gjykatës në parim para se të filloj sekuestrimin, debitorit ia dorëzon aktvendimin
për përmbarimin dhe e fton që ta paguaj shumën e të hollave bashkë me kamatat dhe shpenzimet
procedurale, për të cilën është lejuar përmbarimi.
80.2 Po qe se debitorit nuk ka mundur t’i dorëzohet aktvendimi për përmbarimin me rastin e
sekuestrimit, atëherë ai do t’i dorëzohet më vonë sipas rregullave të përgjithshme për komunikimin.
80.3 Për kohën dhe vendin e sekuestrimit të sendeve të luajtshme, propozuesi i ekzekutimit do të
njoftohet nga gjykata, po qe se ai e ka kërkuar një gjë të tillë.
80.4 Mos prania e palëve nuk e pengon kryerjen e sekuestrimit.
80.5 Për sekuestrimin e kryer njoftohet pala e cila nuk ka qenë e pranishme në vendin e sekuestrimit të
kryer.
32
Neni 81
Objekti i sekuestrimit
81.1 Sekuestrimi bëhet me anë të përpilimit të regjistrit të inventarizimit.
81.2 Inventarizohen sendet e luajtshme që ndodhen në posedim të debitorit, si dhe sendet e tija që
ndodhen në posedim të propozuesit të përmbarimit.
81.3 Në qoftë se personat e tretë nuk e njoftojnë gjykatën për të drejtat e tyre për sendet në posedim të
debitorit, e as nuk i provojnë të drejtat e tyre për to, merret se të drejtat e tilla të personave të tretë nuk
ekzistojnë dhe se debitori është pronar i sendeve që ndodhen në posedimin e tij.
81.4 Supozohet se bashkëshortët martesor dhe jashtëmartesor janë bashkëpronar në pjesë të barabarta
të të gjitha sendeve të luajtshme që gjenden në shtëpinë, banesën ose lokalin afarist të tyre.
81.5 Sendet e debitorit që ndodhen në posedim të personit të tretë mund të inventarizohen vetëm me
pëlqimin e këtij të fundit.
81.6 Në qoftë se personi i tretë nuk e jep pëlqimin për inventarizim, gjykata me propozimin e kërkuesit
të përmbarimit, këtij të fundit ia kalon të drejtën e debitorit që t’i dorëzohen sendet nga i treti.
Neni 82
Vëllimi i inventarizimit sekuestrues
82.1 Me anë të inventarizimit sekuestrues përfshihen aq sende të luajtshme, sa mjaftojnë për
përmbushjen e kredisë në të holla të propozuesit të përmbarimit dhe për pagimin e shpenzimeve
procedurale.
82.2 Së pari inventarizohen sendet për të cilat nuk ka vërejtje lidhur me ekzistimin e të drejtës që do ta
pengonin përmbarimin dhe sendet që mund të shiten më lehtë.
82.3 Me rastin e inventarizimit merren në konsiderim deklaratat dhe provat e palëve dhe të personave
të tretë lidhur me ekzistimin e të drejtave nga paragrafi 2 i këtij neni.
Neni 83
Ruajtja e sendeve të inventarizuara
83.1 Sendet e inventarizuara personi zyrtar ia lenë për ruajtje debitorit. Me propozimin e kërkuesit të
përmbarimit gjykata mund të vendosë që ato t’i dorëzohen për ruajtje atij.
83.2 Rrezikun e asgjësimit apo të dëmtimit të sendeve të inventarizuara të dhëna për ruajtje kërkuesit
të përmbarimit e bartë ky i fundit, përveçse kur asgjësimi ose dëmtimi është pasojë e fuqisë madhore.
33
83.3 Paratë e gatshme, letrat me vlerë dhe sendet e çmueshme të inventarizuara dorëzohen në
depozitën e gjykatës.
83.4 Në depozitën e gjykatës mund të dorëzohen edhe sendet tjera me vlerë më të madhe, po qe se janë
të përshtatshme për këtë lloj ruajtje.
Neni 84
Ndalimi i disponimit me sendet e inventarizuara
84.1 Secili person që i posedon apo mbikëqyrë sendet e inventarizuara, i ndalohet që të disponojë me
sendet e tilla pa urdhrin e gjykatës.
84.2 Në aktvendimin për përmbarimin theksohet ndalimi nga paragrafi 1 i këtij neni dhe njoftimi që i
bëhet debitorit për pasojat juridiko-penale të veprimit të kundërt me ndalimin në fjalë.
Neni 85
Fitimi i të drejtës së pengut
85.1 Propozuesi i përmbarimit e fiton të drejtën e pengut për sendet e luajtshme të inventarizuara.
85.2 Në qoftë se inventarizimi është bërë në dobi të më tepër propozuesve të ekzekutimit, radha e
përparësisë së të drejtës së pengut nga paragrafi 1 i këtij neni, e fituar me anë të inventarizimit apo
shënimit në regjistrin e inventarizimit sekuestrues, caktohet sipas ditës në të cilën ka arritur në gjykatë
propozimi për përmbarim. Po qe se propozimet e tilla kanë arritur në gjykatë në të njëjtën ditë, atëherë
të drejtat e pengut konsiderohen se janë të radhës së njëjtë.
85.3 Propozimi për përmbarim i dërguar në gjykatë me anë të letrës rekomande, konsiderohet se është
dorëzuar në gjykatë ditën kur ajo i është dorëzuar postës.
Neni 86
Tentimi i pasuksesshëm për sekuestrim
86.1 Po qe se me rastin e sekuestrimit në pasurinë e debitorit nuk gjenden sende të luajtshme që mund
të bëhen objekt përmbarimi, gjykata për një gjë të tillë do ta njoftoj kërkuesin e përmbarimit nëse nuk
ka qenë i pranishëm gjatë sekuestrimit.
86.2 Kërkuesi i sekuestrimit, brenda afatit prej tre muajsh nga dita në të cilën i është dërguar njoftimi,
respektivisht nga dita e tentimit të sekuestrimit me rastin e të cilit ka qenë i pranishëm, mund të
propozoj që sekuestrimi përsëri të kryhet.
34
86.3 Nëse kërkuesi i përmbarimit brenda afatit nga paragrafi 2 i këtij neni, nuk e propopozon kryerjen
e serishme të sekuestrimit, apo nëse as me rastin e sekuestrimit të serishëm nuk gjenden sende që
mund të bëhen objekt përmbarimi, gjykata do ta pezulloj procedurën e përmbarimit.
Neni 87
Vlerësimi i sendeve të sekuestruara
87.1 Me rastin e inventarit sekuestrues, personi zyrtar i gjykatës e bënë edhe çmuarjen e vlerës së
sendeve të luajtshme.
87.2 Vlerësimin e bënë personi zyrtar, po qe se gjykata nuk e ka caktuar për një gjë të tillë vlerësuesin
gjyqësor apo ekspertin e posaçëm.
87.3 Pala mund të propozojë që vlerësimin ta bëjë eksperti edhe kur një gjë të tillë nuk e ka paraparë
gjykata. Nëse gjykata e miraton propozimin e tillë, shpenzimet e ekspertimit është i detyruar ti
parapaguaj propozuesi brenda afatit të caktuar nga gjykata .Nëse parapagimi nuk bëhet brenda afatit të
caktuar nga gjykata, konsiderohet se propozuesi ka hequr dorë nga propozimi i tij.
87.4 Për propozimin nga paragrafi 3 i këtij neni gjykata vendosë me anë të vendimit që ka formë të
konkluzionit.
87.5 Shpenzimet e ekspertimit nga paragrafi 3 i këtij neni i mbeten në ngarkim propozuesit, pa marrë
parasysh se cili do të jetë përfundimi i procedurës përmbarimore.
Neni 88
Rivlerësimi i sendeve të sekuestruara
88.1 Pala ka të drejtë që brenda afatit prej 3 ditësh, nga dita e vlerësimit të bërë të sendeve të
sekuestruara, që t’i propozojë gjykatës caktim të vlerës më të vogël apo më të madhe të sendeve të
sekuestruara nga ajo e caktuar më parë, apo caktim të vlerësimit të ri. Një gjë e tillë nuk lejohet po qe
se vlerësimin e parë e ka bërë eksperti.
88.2 Për propozimin nga paragrafi 1 i këtij neni, gjykata vendosë me anë të konkluzionit.
Neni 89
Procesverbali për regjistrimin dhe vlerësimin
89.1 Për regjistrimin dhe vlerësimin sekuestrues gjykata përpilon procesverbal.
89.2 Në procesverbal veç e veç tregohen sendet e sekuestruara dhe vlera e tyre e caktuar, si dhe
shënohen deklaratat e palëve dhe të pjesëmarrësve të tjerë të procedurës, e edhe ato të personave të
35
tretë për ekzistimin eventual të të drejtave të tyre që mund ta pengojnë përmbarimin për sendet e
sekuestruara.
89.3 Në sendet e sekuestruara vihet shenja e caktuar nga e cila shihet se janë të sekuestruara.
89.4 Propozuesi i përmbarimit ka të drejtë që procesverbalin gjyqësor të përpiluar me rastin e
sekuestrimit të sendeve të debitorit ta publikojë në mjetet e informimit publik.
Neni 90
Shënimi në procesverbal i të dhënave nga përmbarimi tjetër
Në qoftë se pas sekuestrimit të bërë caktohet përmbarimi tjetër për sendet e sekuestruara me qëllim të
realizimit të kërkesës tjetër të të njëjtit propozues të përmbarimit, apo të kërkesës së propozuesit tjetër
të përmbarimit, nuk do të bëhet regjistrimi dhe vlerësimi i serishëm i sendeve të sekuestruara, veçse në
vazhdimin e procesverbalit do të bëhet vetëm shënimi i të dhënave nga aktvendimi i mëvonshëm për
përmbarimin.

Neni 9l
Koha e shitjes së sendeve të sekuestruara
91.1 Shitja e sendeve të sekuestruara mund të bëhet pas kalimit të afatit prej 15 ditësh, nga dita e
sekuestrimit të tyre.
91.2 Shitja mund të bëhet edhe para skadimit të afatit nga paragrafi 1 i këtij neni po qe se debitori
propozon, apo pajtohet me propozimin e kreditorit që shitja e sendeve të sekuestruara të bëhet më
herët.
91.3 Shitja e sendeve të sekuestruara mund të bëhet para skadimit të afatit nga paragrafi 1 i këtij neni,
po qe se sendet e këtilla prishen shpejtë, apo kur ekziston mundësia që të bie dukshëm çmimi i tyre pas
një kohe të shkurtër.
91.4 Në qoftë se propozuesi i përmbarimit jep garancion për dëmin eventual që do të duhej
kompensuar debitorit në rast të anulimit të aktvendimit për përmbarimin, shitja e sendeve të
sekuestruara mund të bëhet edhe para skadimit të afatit nga paragrafi 1 i këtij neni.
Neni 92
Mënyra e shitjes së sendeve të sekuestruara
92.1 Shitja e sendeve të sekuestruara bëhet me anë të ankandit verbal publik ose me ujdinë e
drejtpërdrejtë midis blerësit, nga njëra anë dhe personit zyrtar, apo subjektit tjetër të autorizuar, nga
ana tjetër.
36
92.2 Mënyra e shitjes së sendeve caktohet me anë të konkluzionit të gjykatës, duke pasur parasysh
faktin që të arrihet çmimi më i volitshëm për debitorin.
92.3 Ankandin publik të shitjes e administron personi zyrtar, apo personi tjetër i caktuar nga gjykata.
92.4 Shitja me anë të ujdisë së drejtpërdrejtë bëhet midis blerësit, nga njëra anë dhe personit zyrtar,
apo personit që kryen veprime komisioni, nga ana tjetër. Personi zyrtar sendet e sekuestruara i shet në
emër dhe llogari të debitorit, kurse personi që merret me veprime komisioni, në emër të vet, por për
llogari të debitorit ekzekutiv.
92.5 Shitja me anë të ankandit do të caktohet në qoftë se është fjala për sendet e sekuestruara që kanë
vlerë të madhe, ndërkaq mund të pritet se ato do të shiten sipas çmimit më të lartë nga sa është vlera e
çmuar.
92.6 Shitja e sendeve do të publikohet në tabelën e shpalljeve të gjykatës së paku 15 ditë para se të
mbahet seanca për shitjen e tyre. Publikimi i shitjes mund të bëhet edhe në mënyrën e paraparë për
publikimin e shitjes së sendeve të paluajtshme.
92.7 Propozuesi i përmbarimit dhe debitori ekzekutiv do të informohen për vendin, ditën dhe orën e
shitjes së sendeve të sekuestruara.
Neni 93
Seanca e parë e shitjes publike
Sendet e sekuestruara nuk mund të shiten në ankandin e parë me çmim më të vogël se ai i caktuar me
rastin e regjistrimit dhe vlerësimit të sendeve të luajtshme të debitorit, respektivisht në afatin që e ka
caktuar gjykata për shitjen e tyre me anë të ujdisë së drejtpërdrejtë.
Neni 94
Seanca e dytë e shitjes publike
94.1 Me propozimin e palës, gjykata e cakton ankandin e ri në të cilin sendet e sekuestruara mund të
shiten me çmim më të vogël se ai i caktuar me rastin e vlershmit të tyre.
94.2 Propozimin për ankandin tjetër, ose për shitjen me anë të ujdisë së drejtpërdrejtë, pala mund ta
paraqesë brenda afatit prej 15 ditësh, nga dita e ankandit të parë, respektivisht nga dita e skadimit të
afatit të caktuar nga gjykata për shitje me anë të ujdisë së drejtpërdrejtë.
94.3 Dispozita e paragrafit 1 të këtij neni, zbatohen në mënyrë të përshtatshme edhe kur sendet e
sekuestruara nuk kanë mundur të shiten në masën e vlerës së çmuar me anë të ujdisë së drejtpërdrejtë
në afatin e caktuar nga gjykata.
37
Neni 95
Pezullimi i procedurës
95.1 Në qoftë se sendet e sekuestruara nuk janë shitur as në ankandin e dytë, atëherë gjykata do ta
caktoj seancën për ankandin e ri, vetëm sipas propozimit të kreditorit ekzekutiv.
95.2 Propozimin për caktimin e seancës së re të ankandit propozuesi i përmbarimit nuk mund ta
paraqesë para se të kalojnë 15 ditë nga dita e seancës paraprake, e as pas kalimit të 45 ditëve nga dita e
tillë.
95.3 Gjykata e pezullon përmbarimin në qoftë se asnjëra nga palët nuk paraqet propozim për ankandin
e dytë, apo për shitjen me anë të ujdisë së drejtpërdrejtë brenda afatit të paraparë në nenin 94
paragrafin 2 të këtij ligji, respektivisht nëse kreditori ekzekutiv nuk paraqet propozimin në afatin e
paragrafit 2 të këtij neni.
95.4 Dispozitat e sipërme të këtij neni zbatohen në mënyrë të përshtatshme edhe për shitjen e sendeve
të sekuestruara me anë të ujdisë së drejtpërdrejtë.
Neni 96
Të drejtat dhe detyrimet e blerësit
96.1 Blerësi ka për detyrë ta depozitojë çmimin blerës dhe sendet t’i marrë përsipër menjëherë pas
përfundimit të ankandit, respektivisht të shitjes me anë të ujdisë së drejtpërdrejtë.
96.2 Personi zyrtar do t’ia dorëzojë blerësit sendet edhe para se ta ketë depozituar shumën e të hollave
në emër të çmimit blerës, në qoftë se për këtë gjë në rizik të vet e jep pëlqimin kreditori brenda
suazave të shumës që do t’i takonte nga çmimi i realizuar i shitjes.
96.3 Në qoftë se blerësi nuk e depoziton shumën e të hollave në emër të çmimit blerës, personat nga
paragrafi 2 i këtij neni, mund të kërkojnë nga gjykata në të njëjtën procedurë që të urdhërohet blerësi
ta bëjë depozitimin e saj dhe pasi të bëhet e formës së prerë urdhëresa, të propozohet përmbarimi i
sajë.
Neni 97
Momenti në të cilin blerësi bëhet pronar
97.1 Në momentin në të cilin blerësi i sendeve i merr ato në posedim, ai bëhet edhe pronar i tyre.
97.2 Blerësit të sendeve nuk i takojnë të drejtat në bazë të përgjegjësisë për mungesat fizike dhe
juridike që mund t’i kenë ato.
38
Neni 98
Pagimi i propozuesit të përmbarimit
98.1 Në qoftë se nga të hollat e fituara me anë të shitjes së sendeve, e realizon kërkesën e tij vetëm një
propozues i përmbarimit, atëherë personi zyrtar i gjykatës pa caktuar seancë gjyqësore, me anë të
aktvendimit urdhëron që nga shuma e të hollave të fituara me anë të shitjes së sendeve, të paguhen me
radhë: shpenzimet procedurale, shpenzimet e caktuara në dokumentin ekzekutiv, kamatat deri në ditën
e shitjes së sendeve dhe kërkesa kryesore për realizimin e të cilës është filluar procedura
përmbarimore.
98.2 Të hollat që teprojnë pas përmbushjes së kërkesës kryesore i dorëzohen debitorit të përmbarimit,
po qe se për një gjë të tillë nuk ka pengesa.
Neni 99
Pagimi kur janë më shumë propozuesve të përmbarimit
99.1 Po qe se në procedurën përmbarimore i realizojnë kërkesat e tyre më tepër propozues të
përmbarimit, gjegjësisht nëse përpos propozuesit të përmbarimit i realizojnë kërkesat e tyre edhe
personat të drejtat e të cilëve shuhen në momentin e shitjes së sendeve të luajtshme, atëherë ata i
realizojnë të drejtat e tyre sipas radhës me të cilën e kanë fituar të drejtën e pengut, apo të drejtën tjetër
që shuhet në momentin e shitjes për sendet e sekuestruara dhe të shitura.
99.2 Realizimi i kërkesave në mënyrën e caktuar në paragrafin 1 të këtij neni, bëhet vetëm po qe se me
ligj për kërkesat e caktuara nuk është paraparë e drejta e realizimit me përparësi.