Botoksi, i njohur dhe i aplikuar dhe te ne

Botoksi , në mjekësi, përdoret te paralizat spastike dhe
neuralgjitë, tek migrena, në neurologji, në oftalmologji-për strabizëm,
në gjinekologji te spazma, në dermatologji te hyperhidrosa (djersitja e
tepruar nën sqetulla, në shuplaka dhe shputa, ndërsa në estetikë,
aplikohet çdo ditë e më tepër.dr. Shkëndije Dobruna,
Dermatologe dhe kirurge e lëkurës
044 161 317
shkendijad@gmail.com
Botulinum toxin është një helm fascinues i prodhuar nga bakteri
anaerob Clostridium Botulinum. Që të përdoret në mjekësi duhet së pari
të izolohet, pastrohet dhe stabilizohet në laborator special.
Ekzistojnë 7 forma të toksinës antigjenike të botoksit nga të cilat
më e përshtatshmja dhe më e përdorura është tipi A. Injektimi i saj
bëhet në muskuj sipërfaqësorë me ç’rast duke bllokuar funksionin e
fijeve të (përzgjedhura) të tyre, arrihet relaksimi. Duhet të kuptohet
se efekti i saj nuk vërehet menjëherë pas injektimit.
Shenjat e para mund të vërehen pas 48 orëve të para dhe maksimumin e
arrin pas 2-3 javësh. Varësisht nga fortësia e muskulit të trajtuar dhe
dozës së përdorur ky efekt zgjat për 4- 6 muaj.

Botoksi ka gjetur përdorim si në mjekësi ashtu edhe në estetikë.
Në mjekësi përdoret te paralizat spastike dhe neuralgjitë, tek
migrena, në neurologji, në oftalmologji-për strabizëm, në gjinekologji
te spazma, në dermatologji te hyperhidrosa (djersitja e tepruar nën
sqetulla, në shuplaka dhe shputa, ndërsa në estetikë aplikohet çdo ditë e
më tepër.
Gazetat botërore gati sa bëjnë garë ditore për numrin e artikujve për
botoksin edhe përdoruesit e tyre duke i përmendur edhe emrat e mjekëve
me performancë më të mirë dhe numër më të madh të klientëve e sidomos
VIP-ave.
Botoksi aplikohet për të eliminuar rrudhat e fytyrës dhe atë
kryesisht të mimikës, si, të mrrolurit, të qeshjes, rrudhat në hundë, në
qafë. Pastaj përdoret për ngritje vetullash, për ngritje të majës së
hundës, këndit të buzëve që japin pamjen dëshpëruese, e deri të mbulimi i
mishit të dhëmbëve (gingivave), d.m.th. përmirësimin e të qeshurit të
quajtur “Gummy smile”. Poashtu me botoks mund të arrihet një lifting i
fytyrës në përgjithësi duke i përmirësuar vijat e fytyrës.

Sa i përket djersitjes së tepruar, është një nga metodat më të
preferuara në nivelin e meshkujve afaristë dhe të angazhuar në punën e
tyre stresuese dhe tek ata që janë vazhdimisht para kamerave që u tregon
djersitjen e tepruar. Me injektimin e botoksit, arrihet që djersitja
të reduktohet ose edhe të minimizohet në atë mënyrë që ata persona të
funksionojnë si personat tjerë.