Shyhrete Behluli: Vetë unë jam origjinale

s



E
natyrshmja dhe zgjuarsia gërshetohen shumë mirë në personalitetin e
saj, kënga dhe dashuria i zënë vend njëra-tjetrës. Emocionet dhe pasioni
për jetën, këngën, udhëtimet dhe rrëfimet më intime të Shyhrete
Behlulit.

Ajo është modeste, e drejtpërdrejtë, me një stil të veçantë në jetën e
përditshme, por edhe në skenë, këngëtarja Shyhrete Behluli, në këtë
intervistë për “Botën sot” tregon për këngën, për dashurinë e saj të
madhe, të pakushtëzuar, është një nga këngëtaret më të suksesshme të
skenës muzikore. Ajo thotë se është origjinale, do të thotë origjinalja e
karakterit të saj shfaqet nëpërmjet këngës, si dhe mendon se aty shihet
edhe origjinaliteti i personit. Ajo rrëfen edhe për gjërat intime, ato
që përbëjnë jetën e saj përtej skenës…
“Bota sot”: Për fillim a mund të na thoni se cili ka qenë viti 2010 për Shyhreten, ku keni qenë, çka keni bërë?
Shyhrete Behluli: Viti 2010 ka qenë sikur vitet e tjera, do të thotë
ka qenë i suksesshëm. Unë mendoj se me punën profesionale kam qenë shumë
e kënaqur edhe pse në aspektet e tjera edhe jo aq mirë, mirëpo sa i
përket punës po. Në përfundim të këtij viti jam e kënaqur me punën dhe
angazhimet gjatë vitit 2010.
“Bota sot”: Çka ka diçka origjinale në shpirtin e Shyhretes, diçka që nuk e keni zbuluar për opinion deri më tash?
Shyhrete Behluli: Vetë unë jam origjinale, do të thotë origjinalja e
karakterit tim është nëpërmjet këngës, unë mendoj se aty shihet edhe
origjinaliteti i personit. Do të thotë ajo që jam në shpirt jam edhe në
këngë, diçka më origjinale nuk po e di çka të cek.
“Bota sot”: Edhe sa vjet do te jeni “gjallë” në skenën e muzikës?
Shyhrete Behluli: Aty vetëm Zoti mund ta dijë se edhe sa do të jem në
skenë. Ne hyzmetin do t’ia bëjmë, do të mundohemi, do të angazhohemi
për punë edhe më tutje e aty sa kemi sukses dhe sa do të jemi në skenë
vetëm Zoti mund ta dijë, nuk di se çfarë të them më shumë.
“Bota sot”: Kur do t’i jepni fund këngëve në dasma apo në skena të vogla?
Shyhrete Behluli: Nuk e di është shumë vështirë të jap këtë
përgjigjeje, kur do t’i jap fund dasmave dhe skenave të vogla. Nuk mund
t’i dallojmë asnjërën, është e vërtetë që dallojnë skenat dhe
prezantimet njëra prej tjetrës, mirëpo çdo punë është e artistit pa
marrë parasysh vendin ku prezantohet. Kështu që për ne nuk mund të bëj
ndonjë dallim: aty po ose aty jo, do të jemi prezentë nëpër dasma derisa
të kemi kërkesa.
“Bota sot”: Si nis një mëngjes pushimi në shtëpinë tuaj?
Shyhrete Behluli: Zakonisht si të gjitha ditët e tjera, megjithëse jo
e angazhuar që të zgjohem në mëngjes në orën 7.00-8.00, sikurse është
orari i punës. Kur zgjohem nga gjumit, sikur çdo grua tjetër, rreth
punëve të shtëpisë ose dal për të pirë një kafe me ndonjë shoqe ose mike
e jo diçka shumë të veçantë.
“Bota sot”: Udhëtimi më i bukur?
Shyhrete Behluli: Të them të drejtën nuk kam ndonjë udhëtim që do të
mund ta veçoja se gjithmonë kemi udhëtuar vetëm me punë, kështu që nuk
kemi pasur kohë të shijojmë diçka të veçantë. Sa herë kemi udhëtuar,
kemi udhëtuar me punë dhe nuk kemi pasur kohë t’i shijojmë bukuritë e
ndonjë vendi ose diçka tjetër, kështu që shpresojmë për një udhëtim në
të ardhëm që do ta kemi kështu tamam për ta ushqyer shpirtin e jo të jem
e lidhur me punën.
“Bota sot”: Filmi juaj i jetës?
Shyhrete Behluli: Filmi më i preferuari imi që gjithmonë e shoh dhe
nuk më mërzitet asnjëherë është “Udha e shkronjave” dhe gjithmonë do të
jetë për mua filmi më i dashur.
“Bota sot”: Veshja më e bukur në dollapin tuaj?
Shyhrete Behluli: Veshja më e bukure në dollapin tim është kostumi
kombëtar të cilin e ruaj me shumë kujdes. Ajo është veshja më e mirë për
mua, më kujton shumë gjëra të mira. Veshja kombëtare ma kujton rininë
kur kam filluar të këndoj, me atë veshje prapë jam në skenë, kështu që
për mua mbetet veshja më e bukur.
“Bota sot”: Çfarë vishni nëpër shtëpi?
Shyhrete Behluli: Nëpër shtëpi veshi çka ndihem më komode, më tepër
veshje sportive që janë më të rehatshme, nuk kam ndonjë preferencë.
“Bota sot”: Një urim për fund?
Shyhrete Behluli: I përshëndes të gjithë shqiptarët kudo që janë, iu
uroj shëndet dhe iu dëshiroj gjithë të mirat, posaçërisht i përshëndes
të gjithë adhuruesit e këngës, publikun, se pa publik kënga ime nuk do
të ketë jetë! Gëzuar Vitin e Ri 2011!
Intervistoi: Albulena Neziri