Situata humori mes banorëve “Ergysi-babai, Ermela-vajza”

Situata humori mes banorëve “Ergysi-babai, Ermela-vajza”
01/04/2011 19:26

Ermela
shkon në dhomën e gjumit dhe fillon të sistemojë rrobat, duke i
vendosur në valixhe, ndërsa Ogreni qëndron i heshtur në krevatin e tij.

Ergysi dhe Marieli ndodhen në kuzhinë, duke bërë kakao e flasin për
emocionet që kanë përjetuar pasi kanë takuar grupin “Elita 5”.

Pak më vonë të gjithë banorët dalin në oborr e qeshin me Gysin dhe
Ermelën, të cilët bëjnë shëtitje me karrocë. Marieli dhe Ogreni qeshin,
kur dëgjojnë që Ermela dhe Ergysi dialogojnë me njëri-tjetrin dhe
aktrojnë duke u sjellë si vajza dhe babai. Ermela afrohet tek Marieli
dhe i thotë “O xhaxhi Marieli më fal 2000 euro” dhe nga kjo batutë
fillojnë shakatë e të qeshurat mes banorëve. “Çfarë t’i kërkoj xhaxhi
Ogrenit, ai vetëm kaçurrela ka”, thotë Ermela duke u sjellë si vajzë e
vogël.

Marieli qesh me Ermelën dhe e thërret duke i thënë “Hajde të të puthë
pak xhaxhi Marieli”. Ajo bërtet duke qeshur. Kështu, në Shtëpinë e Big
Brother krijohen situata shumë të bukura humori.