Fatmire Bajramaj në finalen e Ligës së Kampionëve

23 vjeçarja me ekipin Potsdam është mbrojtëse e
trofeut të Ligës së Kampionëve, pas triumfit në këtë garë vitin e kaluar
kundër Olympique Lyonit, e cila edhe këtë vit është finalistja e dytë.
Bajramaj ka kaluar pesë vite te ekipi Duisburg, para se më 2009 të
kalonte te Potsdam.

Zmadho fotografinë







Futbollistja më e mirë shqiptare, Fatmire Bajramaj, me ekipin e saj
Turbine Potsdam ka arritur në finalen e Ligës së Kampionëve të Evropës
për futbolliste. Potsdam mposhti në ndeshjen e kthimit të gjysmëfinales
ekipin e Duisburgut me rezultatin 1:0 (rezultati i përgjithshëm 3:2).

Bajramaj ka luajtur gjatë tërë ndeshjes dhe ka qenë protagoniste e
ekipit të saj, duke qenë bartëse e të gjitha aksioneve që po
zhvilloheshin drejt ekipit kundërshtar.

23 vjeçarja me ekipin Potsdam është mbrojtëse e trofeut të Ligës së
Kampionëve, pas triumfit në këtë garë vitin e kaluar kundër Olympique
Lyonit, e cila edhe këtë vit është finalistja e dytë. Bajramaj ka kaluar
pesë vite te ekipi Duisburg, para se më 2009 të kalonte te Potsdam.

Finalja e para një viti, Turbine – Lyon këtë vit luhet më 26 maj në
stadiumin e Fulhamit në Londër, Craven Cottage. Lira pas finales së
Ligës së Kampionëve do përgatitet për botërorin e futbollisteve që këtë
vit mbahet në Gjermani.