Bien te ardhurat ne dogana, shkak kontrabanda Tėrhequr mė 20 Korrik 2009
Te
ardhurat e buxhetit te shtetit nga akcizat gjate gjashtemujorit te pare
te ketij viti qene absolutisht me te uleta sesa gjate te njejtes
periudhe te vitit 2008, gje qe ka shtyre shume eksperte te dyshojne se
evazioni fiskal me mallrat e rende ka arritur ne nivele marramendese. Te dhenat e fundit te publikuara nga Ministria e
Financave tregojne se ne gjysmen e pare te 2009-es, tatimet dhe doganat
mblodhen 14.4 miliarde leke te ardhura nga akcizat, shifer kjo 27 per
qind me e vogel se sa plani dhe 3.6 per qind me e vogel se sa te
ardhurat qe ishin realizuar ne gjysmen e pare te vitit 2008.
Gjate
te njejtes periudhe, akciza e naftes dhe ajo e benzines u rriten
ndjeshem ne shkurt te ketij viti, gje qe duhej te kishte dhene efekt
pozitiv ne te ardhura. Por kjo gje ne fakt nuk ndodhi, se paku nuk u
pasqyrua ne shifrat zyrtare.
Situata me te ardhurat doganore nga
akciza duket se ka thyer cdo rekord negativ gjate qershorit. Sipas te
dhenave, plani per muajin e kaluar u realizua vetem 49 per qind, ndersa
te ardhurat ne krahasim me nje vit me pare qene 60 per qind me pak ose
vetem 670 milione leke. Rritja e evazionit dhe kontrabandes eshte nje
fenomen zgjedhor i perseritur shpesh ne Shqiperi.
Te ardhurat e
buxhetit te shtetit gjate viteve te fundit nga akcizat jane rritur me
shpejtesi, me mbi 20 per qind ne vit, furnizuar kjo ne mase te gjere
nga rritja e akcizave. Gjate pese viteve te fundit, keto lloj taksash
qe rendojne mallra te rendesishem, jane dyfishuar e ne disa raste, edhe
trefishuar. Shqiptaret paguajne sot dy here me shume taksa per cigaret
e pijet alkoolike dhe 60-70 per qind me shume per cdo liter nafte te
konsumuar, ne krahasim me vitin 2004.
Shqiptaret pritet te
paguajne edhe me shume per keto mallra, duke filluar nga vjeshta e
ketij viti. Qeveria ka njoftuar nje rritje te re. Megjithate, rezultati
i pagesave te teperta te qytetareve nuk po pasqyrohen ne buxhet. Te
ardhurat nga akcizat kane shkaktuar me shume se gjysmen e deficitit ne
te ardhura buxhetore.
Rritja e akcizave shoqerohet pothuajse
gjithmone me rritje te gatishmerise se njerezve per te rrezikuar, duke
u marre me mallra kontrabande. Per me teper, vendet fqinje me ne kane
tani per tani cmime te mallrave me akcize me te lira ne Shqiperi, gje
qe krijon nje hapesire per kontrabandistet.
Akcizat japin rreth 13 per qind te te ardhurave te buxhetit te shtetit, ose 300 milione euro ne vit.