Algeni lë shtëpinë; Surprizë Jonelës

Algeni lë shtëpinë; Surprizë Jonelës
19/02/2011 22:38

Arbana
vazhdon të lexojë zarfin me personin që i ka shpëtuar eliminimit edhe
për këtë javë duke thënë se ky banor është Alma. Më pas Arbana lexon
zarfin duke dhënë lajmin për banorin që do të lërë shtëpinë dhe ky banor
është Algeni.

Algeni takon të gjithë banorët dhe del nga shtëpia.

Arbana vendos në qendër të vëmendjes Jonelën këtë radhë dhe thotë se ajo
ka një pikë shumë të dobët dhe bëhet fjalë për dashurinë për gjyshërit e
saj.

Arbana e fton Jonelën që të shkojë tek dhoma e kuqe. Jonela hyn në dhomë
dhe bërtet sapo hyn “Arbana këto janë kukullat e mia”. Ajo fillon të
qajë dhe të sqarojë Arbanën lidhur me to. Jonela thotë se e ëma i ruan
me kujdes gjithmonë gjërat e saj. “Po kush janë ata që gjithmojnë të
kanë mbrojtur kur mami të qortonte?”, e pyet Arbana. Gjyshërit”, thotë
Jonela. Më pas Arbana e fton të shikojë një klip, ku ajo ka folur për
gjyshërit e saj.

Ajo thotë se gjysi i saj mund të jetë mërzitur me të sepse gjithmonë ka
dashur që të jetë pak më e qetë. Më pas Arbana e fton të shikojë diçka
shumë të bukur dhe në atë moment shfaqet në monitor një klip me fotot e
saj që bebe e vogël dhe në sfond dëgjohet zëri i gjyshit të saj, e cila
ka thurur një përrallë me subjekt jetën e saj.

Jonela e dëgjon dhe qan pafund. “Nuk kam fjalë”, thotë ajo pasi mbaron
klipi. Më pas ajo tregon për familjarët dhe thotë se ka një marrëdhënie
shumë të afërt me ta dhe se e ka marrë malli shumë për ta.