Arsim për të gjithë

Arsim për të gjithë

© UNICEF Albania/2004/A. Celi

Nxënësit ndihmojnë bashkëmoshatarët e tyre në shkollën 8-vjeçare “Stavri Themeli” në Korçë

Me rritjen e numrit të nxënësve për klasë
(është një gjë e zakonshme që klasat të kenë 40-50 nxënës) dhe me
rënien e pagës së mësuesit po ndodh që mësuesi bën një shpjegim për
nxënësin “mesatar” gjë që bën të mundur që nxënësit me nevoja të
veçanta, megjithëse ndodhen në klasë nuk përfitojnë në mënyrë efektive.

UNICEF mbështet strategji të reja të mësimdhënies dhe
të të nxënit si: metodologjitë interaktive dhe ato që vënë në qendër të
tyre nxënësin për të parandaluar këtë margjinalizim të padukshëm dhe
braktisjet e shkollës. 200 mësues janë trajnuar për të përdorur këto
strategji dhe kjo ka çuar në përmirësimin e performancës në matematikë
e lexim të rreth 1.500 nxënësve me vështirësi në të nxënë.